Persuutaasoqarneranik nalunaarutiginninnerit malunnartumik amerleriartut
Ukiup siulianut naleqqiullugu tamanna amerleriangaatsiarneruvoq, persuttaasoqarneranimmi 2018-imi nalunaarutiginninnerit 701-iummata.
Politiit nalunaarutiginninnerit pillugit siornamut kisitsisaataanni saqqummiunneqaqqammersuni tamanna atuarneqarsinnaavoq.
Persuttaasoqarneranik nalunaarutiginninnerit amerleriarnerat, politimesterip Bjørn Tegner Bayip nalunaarusiap aallarniutaani allaaserisaqarnermigut ernummatigai:
- Persuttaasoqarneranik nalunaarutiginninnerit nunanut allanut naleqqiullugu amerlanerujussuat eqqarsaatigalugu tamanna ernumanarpoq, politimesteri oqarpoq.
Meeqqanilli atornerluinerit politiinit ukkatarineqarnerulernerat nalunaarutiginninnerit amerleriarnerannut ilaatigut pissutaaqataasinnaasut, politimesterip ilanngullugu oqaatigaa.
Meeqqanik inuusuttunillu kinguaassiutitigut atornerluinerit akiorniarneqarnissaat, politiinit siorna 2019-imi pingaartuutinneqarluinnarpoq, atornerluisoqarsimaneranilli nalunaarutiginninnerit amerleriarsimasut aamma takuneqarsinnaavoq.