Aatsaat taama kuultimik akoqartigisumik nassaartoqartoq
Nunatsinni kuultisiortunut nuannersumik nutaarsiassaqarpoq. Nunamineralsip nalunaarutigaa Kujataani kuultisiorluni suliniuteqarnermi qilleraluni misileraanerit pitsaalluinnartumik angusaqarfiusut.
28. August 2013 06:08
Nunaminerals kuulteqarfimmi Vein 2-mi sisamanik sulluusaliorluni misissuisimavoq. Taakku tamarmik kuultimik akoqartorujussuupput, suliffeqarfiullu maannamut misissuisarnermini kuultimik nassaavisa pitsaanersaat misiligutitut tigusat sisamaasut akornanni nassaarineqarpoq.
Nunamineralsip pisortaata Ole Christiansenip angusat aamma nuannaarutigai, taannalu ima oqarpoq:
- Vein 2-mi misileraanitta misissoqqissaarnerini angusat pitsaalluinnartut iluarisimaaqaagut.
Taanna aamma oqaluttuarpoq angusat sumiiffiup kuulteqarluarneranik naatsorsuutigineqartunik uppernarsaataasut, annertuumillu piiaasoqarsinnaanissaanik periarfissaqartoq.