Timmissat Bornmolm-imi napparsimagunarput
Timmissat nualluutaat danmarkimut apuussimanissaa ernumassutigineqalerpoq, Bornholmimi qeerlutuut toqungasut tallimat ullumikkut nanineqareersullu.
- Qeerlutuut toqungasut nanineqartut imminnut qanittuaraallutik toqorarsimapput, siornatigullu timmissat toqungasut nanineqartartut imminnut avissaangangaatsiartarsimapput. Taamaammat maannakkut qeerlutuut nanineqartut imminnut qanillutik toqusimaneri ernumanartortaqarpoq, taama uumasut nakorsaat, Douglas Henningsen oqarpoq.
Timmissat allat napparsimagunarlutik sanngiippasissut naammattoorneqarsimapput, pisarineqarsinnaasimanatilli.
Bornholmi timmissanit aqqusaarneqartartuuvoq, ilaatigut Tysklandimiit aggersunit timmissanit aqqusaarneqartarlutik, taamaammat Bornholmimi timmissat nualluutaannik napparsimalersinnaaneri ilimanarsinnaasoq, aviisi Politiken allappoq.