Fyllas Bankemit appat marluk timmissat nualluutaannik tunillatsissimasut paasineqarpoq.

Aatsaat siullerpaamik: Nunatsinni timmissat nualluutaannik nassaartoqartoq

Fyllas Bankemit appat marluk timmissat nualluutaannik nassaarfigineqarput. Nunatsinni timmissat nualluutaannik taama ittumik aatsaat siullerpaamik nassaartoqarpoq.

Nunatsinni timmissat nualluutaannik aatsaat siullerpaamik nassaartoqarpoq.

Naalakkersuisut tusagassiuutinut nalunaarummi allapput.

Nunatta kitaata sineriaani timmissat siorna toqorarnerat pissutigalugu mitit appallu toquinnarsimasut katersorneqarput.

Uumasunut Nakorsaqarfik Inuussutissalerinermullu Oqartussaqarfiup, Pinngortitaleriffiup Danmarkimilu Inuussutissalerinermtu Aqutsisoqarfiup suleqatigiinneratigut Fyllas Bankemit appat marluk Qeqertarsuarmiillu mitit tallimat timmissat nualluutaannik napparsimanersut paasiniarlugit Københavns Universitetimi Statens Seruminstitut sinnerlugu misissorneqareerput.

Appat marluk timmissat nualluutaannik H5N1-imik napparsimasut misissuinermi paasineqarpoq. Timmissat nualluutaat taanna timmissat akornanni toqqutaakkajuttarpoq.

- Fyllas Banke timmissanik imarmiunit nunanit assigiinngitsuneersunit ukiisarfiuvoq pingaarutilik, appallu marluk nassaarfigineqartut suminngaanneernersut ilisimaneqanngilaq, Naalakkersuisut allapput.

Inuilli timmissat nappaataannik H5N1-imik timmissanit aattortissimasunit tunillanneqarnissaata aarlerinarnera annikitsunnguuvoq. Inuillu timmissat nappaataannik tunillatsissimasut napparsimarululertarnerat qaqutigoortuuvoq.

Inuilli timmissanik pisaminnik imaluunnit toquinnarsimasunik suliarinninnerminni qanoq iliornissaminnut naleqquttumik piareersaateqartaqqullugit Naalakkersuisut kaammattuipput:

  • Qaqorsaaserlutit errortorit, pingaartumik erlaveersereerninni.
  • Timmissat erisarnagit amiikkit (pujoralatserinnginneruvoq).

Nualluut virusi neqimik manninnillu ooqqissunngortitsinikkut virusi toqunneqartarpoq.

Timmissat toquinnarnikut oqartussat isumaqatigineratigut isumagineqartariaqarput.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl