- 80 milliuunit koruuninit taakkunannga aningaasaliissutaareersut ilarpassui Isumaginninermut Aqutsisoqarfimmi Nuummiittumi, sulisorpassuaqaleriataasimasumut, atorneqarsimapput. Aningaasaliinermilu tamanna siunertaanngikkaluarpoq, Aaja Chemnitz oqarpoq.Foto: Inuit Ataqatigiit Folketingimi

Aaja Chemnitz: Meeqqanut aningaasaliissutineersut Isumaginninnermi Aqutsisoqarfimmi atorneqarput

Meeqqat inuusuttullu ulorianartorsiornerpaat, 80 millionit koruunit, Folketingip kinguaassiutitigut atornerluinermik akiuiniarnermut atugassatut anungaasaliissutaat, naammattumik iluaqutiginnikkaat, Aaja Chemnitz isumaqarpoq.

Folketingi nunatsinni meeqqanik inuusuttunillu kinguaassiutaatigut atornerluisarneq akiunermi ukiuni sisamani atugassanik 2019-imi immikkoortitsivoq.

Aningaasalli taakkua ilarpassui eqqarsaatigineqartutut meeqqanut inuusuttunullu atornagit isumaginninnermi Qullersaqarfimmi Nuummiittumi atorneqarput.

Aningaasat meeqqanut inuusuttunullu, kinguaassiutitigut atornerlunneqaratarsinnaasunut atornerlunneqarsimanermillu kingunerlutitsisunut, atorneqartussaagaluarput.

Folketingimulli ilaasortaq IA-meersoq Aaja Chemnitz Folketingimi ammaanersiorluni sapaatit akunneranni kingullermi oqallinermi ima oqarpoq:

- 80 milliuunit koruuninit taakkunannga aningaasaliissutaareersut ilarpassui Isumaginninermut Aqutsisoqarfimmi Nuummiittumi, sulisorpassuaqaleriataarsimasumut, atorneqarsimapput. Aningaasaliinermilu tamanna siunertaanngikkaluarpoq.

Sulisut marloriaatinngortinneqartut

Isumaginnermi Aqutsisoqarfiup kisitsisaatai naapertorlugit tassani sulisut 2018-imi 46-iusimasut 2018-imi 108-nngorsimallutik.

LÆS OGSÅ Overblik: Her er de 16 anbefalinger til udsatte børn og unge

Paarisap 22-nik sulisoqarnerulissutaasumik aqutsisoqarfimmiilernera peqqutaasunut ilaasoq, meeqqanut, inuusuttunut, ilaqutariinnut peqqissutsimullu naalakkersuisup, Mimi Karlsenip, qaammatip matuma qiteqqunnerani ilisimatitsissutigaa.

Ilanngulluguli ilisimatitsissutigaa, Danmarkip nunattalu meeqqat inuusuttullu pillugit suleqatigiinnerat peqqutigerpiarlugu aqutsisoqarfimmi killilikkamik piffissalikkamik atorfinnik pilersitsisimallutik.

Aningaasat amerlanerusut kommuninut tunniunneqassasut

Isumaginninnermullumi Aqutsisoqarfimmi amerlanerusumik atorfinitsitsinissamik isuma ajunngitsoq, Aaja Chemnitz isumaqarpoq. Kisianii:

- Suliassanik isumaginninneq ukkatarineqarnerulaartutut malugaarput. Taamaammallu ISunmaginninnermut Aqutsisoqarfik kommuninik ikiuisusssanik suliassanik isumaginnittorpasuaqalersoraara. Kommuninili naammattunik suliassanik isumaginnittoqanngikkaangat tamanna iluaqutaanngilaq, taanna oqarpoq.

- Tassalu equngasumik sulisoqarsimavoq, oqaannarsinnaavugullu: Siunissami aaqqqiinigut pitsaaneruinnaarsinnaapput.

LÆS OGSÅ Aaja Chemnitz: Nunarput iluarisimaarinnissinnaavoq

Nunatsinni meeqqanik inuusuttunillu atornerluisarnermik akiuiniarnermut Danmarkimi naalakkersuisunngorlaat 50 milliuunit koruuninik aningaasaleeqqissasut, IA Folketingimi siunnersuuteqaqarnikuuvoq.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl