Machu Picchumut aqqut matuneqareersorlu takornarniat Machu Picchumit qimagussorneqarnissartik utaqqigaat.Foto: Carolina Paucar/Ritzau Scanpix

Takornarniat eqqissiviilliortoqarnerani Machu Picchumit annaanneqartut

Perumi politikkikkut pissutsit pillugit eqqissiviilliortoqarnerata nalaani takornarniat 400-nit amerlanerusut Machu Picchumit qimagussorneqarput, Machu Picchumummi aqqut matuneqarpoq.

Takornarniat 418-it, Perumi takornarnianit ornigarneqarluartartumit Machu Picchumit annaanneqarsinnaasimapput. Perumimi politikkikkut piffissami kingullermi eqqissiviilliortoqangaatsiarpoq. Takornarniat Machu Picchumut aqqutaat taamaalinerani matuneqarsimavoq.

Takornarniat pillugit Perumi ministereqarfik, inuit attaveqaqatigiittarfianni Twitterikkut taama ilisimatitsivoq.

Akerliussutsumik takutitsisut kanngussamik piiaavik Machu Picchup aqqutaaniittoq saassutereeraallu Machu Picchu piffissaligaanntsumik matuneqarpoq.

Machu Picchu Perumut takornarnianit ornigarneqarnerpaanut ilaavoq, takornarniat 1 millionit sinnerlugit ukiumut orniguttarlutik.

Danmarkip nunanut allanut tunngasunut ministereqarfiata sullissivia sapaammi ullaakkut oqarpoq danskisut innuttaassusilinnik Machu Picchumiittoqarneranik ilisimasaqarnatik.

Præsidenti inuiannik toqoraasimasutut misissuiffigineqartoq

Perup taamanikkut præsidentiata Pedro Castillop nunami tassani inatsisartut decembarimi soraarseriaraluareeraallu Perumi eqqissiviilliortoqalerpoq. Præsidenti naalakkersuinikkut akisussaasumut eqqartuussivimmut sassartinneqassanersoq Perumi inatsisartut taasissutiginialeraallu Castillop inatsisartut soraarsinnialeraluarpai.

Tamannali tassa iluatsinngilaq, politikkikkullu sulinera kipineqarluni maanna parnaarussaaqqavoq, ikinnerpaamillu ukiup aappaata qeqqa parnaarussaaqqagallassalluni.

Præsidentip tullersortaa Dina Boluarte maanna præsidentiugallarpoq.

Perumili innuttaasut tamanna iluarinngilaat akerliussutsiminnillu takutitsillutik. Boluarte præsidentitut ivertinneqarmalli akerliussutsimik takutitsisoqalerpoq, Castillop iperagaanissaa piumasaralugu, Boluartellu tunuarnissaa aamma piumasaralugu.

Akerliussutsimik takutitsisut politiillu akornanni aporaattoqarmat inuit arlallit ajunaarput, allallu hunnorujulikkaat aqqunartitersimallutik.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl