Biili sukkanissani tamaat ingerlasoq niuffattunut pulasoq
Congletonimi politiit ilisimatitsipput inunnik ajoqusertoqarsimanngitoq, inuillu pingasut tigusarineqarsimasut.
Allattoq Ritzau
Tuluit Nunaanni illoqarfiit ilaanni Manchesterip kujataatungaaniittumi Congletonimi inuppassuit katersuuffigisartagaanni juullimut niuffattorpassuit akornannut biili sukkaqaluni pulariataarsimasoq, tusarfiit tutsuiginartut allapput.
Takunnittut oqaluttuarput, inuit 800-t missaat niuffaffimmiissimasut
- Akunnermut 50 milenik ingerlarsorsimassaaq takunnittut ilaat oqaluttuarpoq.
Tassa akunnermut 80 kilometerinik sukkatigaluni.
Congletonimi politiit Twitterikkut ilisimatitsipput, inunnik ajoqusertoqarsimanngitsoq, angutillu pingasut tigusarineqarsimasut.