Nukappiaraq ajutoorfimmi ikioqqaarneqarpoq. Foto: KNR

Nuummi alianartumik toqukkut ajunaartoqartoq

Nukappiaraq qulingiluanik ukioqartoq alianartumik ullumi ajutoornermi kingorna Dronning Ingridip Napparsimmavissuani toqukkut qimaguppoq.

Nukappiaraq qilingiluanik ukioqartoq kælkinik ullumi sisorarnermini ajunaarpoq.

Taassuma Nuummi Qinngorpumi Pisiffiup eqqaani kælkinik sisornarnermini qullermut napparut eqqorpaa, naallu tamaani annaanniarlugu ikioqqaarneqaraluarluni, Dronning Ingridip Napparsimmavissuanut apuunneqarnermini toqukkut qimaguppoq. 

Kalaallit Nunaanni politiit tusagasiutinut taama allapput. 

Taakkua nalunaaqutaq 13.30 nalunaarfigineqarput. 

Nukappiaraq qulingiluanik ukioqartup angajoqqaavi kalerrinneqarsimapput.

Pisumik isiginnittoqaalussimasoq, politiit allapput. Tamakkununnga pinguaqatai inersimasullu qanittumi sanaartorfimmiittut ilaapput. Isiginnittut upalungaarsimanermi piareersimasunit orninneqarput.

Kalaallit Nunbaanni Politiit pisoq alianartumik ajutoornertut isigaat.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl