Nuummut innaallagissamik pilersuivik pingaaruteqartoq ajoqusersimagunartoq

Ippassaq unnukkut aqqarngup missaanili  Nuummi innaallagiaaruppoq

Taassalu sapaatit akunnerata ataatsip ingelanerani Nuummi 19.000-it sinnerlugit innuttaqartumi aappassaa innaallagiaruppoq,innutaasut ilai kissartuerupput aamma imermik pilersorneqarnerat unilluni.

AAMMA ATUARUK Nuuummi nalunaaquttap akunnerpassuini innaallagiaqanngilaq

Nukissiorfik Facebookimi ullaaq arfineq marluk missaani ima allappoq.

- Utoqqarmiut Kangerluarsunnguanit erngup nukinganik innaallagissamik Nuummut pilersuivik pingaaruteqartoq anorersuarnerani ajoqusersimagunartoq Nukissiorfik Facebookimi nittartakkamini taama allappoq.

Nuummi Nuussuarmi Qinngorpumili innaallagiaqaqqilernissaanik Nukissiorfiit suliaqartoq innaallagissaamik pilersuivik Facebookimi nittartakkamini taama allappoq.

Ippassaq unnukkut aqqarngup missaanili innaallagiaaruppoq.

Utoqqarmiut Kangerlussunnguanut erngup nukinganik innaallagissamik pilersuivimut atttaveqaatip anorersuarneratigut ajoqusersimanissaa naatsorsuutigineqarpoq.

Maanna ajutoortoqarnerani innaallagissamik pilersuisoq atorneqarpoq illoqarfiullu ilaannaa innaallagissamik pilersorneqarluni.

Ajutoornermi innaalligassiorfiup aallartinniarneqarnera naatsorsuutigisamik sivisunerusimavoq, taamaattumillu illoqarfik tamakkerluni innaallagissamik pilersorneqarnera nalunaaquttap akunneri arlaqartut qaangipupata aatsaat pisinnaassasoq, Nukissiorfik Facebookimi nittartakkamini taama allappoq.