Uummannap Sulluani ipilluni ajunaartoqartoq
Inuk ataaseq ipilluni Uummannami ajunaarsimagunarpoq.
Kalaallit Nunaanni Politiit KNR-imut taama ilisimatitsipput.
Sermip iigartartup nalaani ippassaq tallimanngornermi ajutoortoqarsimavoq.
AAMMA ATUARUK Ukkusissat: Maqaasineqartunik ujaasineq unitsinneqartoq
Ajutoortoq sermip iigaanut qanillivallaarsimassangatinneqarpoq, taamaalineranilu sermiminermik nakkartoqarpoq, umiatsiarlu kinngutillugu. Kalaallit Nunaanni Politiivini pigaartoq Mads Lynge taama oqarpoq.
Ajutoortoqarneranik takunnittut politiinik ualikkut nalunaaqutaq tallimat qaangeraa tanneq pingasut missaanni kalerriipput. Umiatsiap aseqqui nassaarineqarsimapput, umiatsialli aqutsisuanik suli siumuisoqarsimanani.
Suli ujarlertoqarpoq, ilaqutaasullu ilisimatinneqareersut politiit ilisimatitsissutigaat.
Angutit pingasut Uummannap avannaani Ukkusissat/Perlerfiullu eqqaani siorna septembarimi aalisartillutik ajunaarput.