Nanortalimmi politiit toqutsisoqarsimaneratut misissuisut
Inuk ataaseq misissuinermut atatillugu tigusarineqarsimasoq, Kalaallit Nunaanni Politiit ilisimatitsissutigaat.
Politiet modtog en anmeldelse klokken 05.20 om morgenen lørdag.
oktobarip 24-at 2020 17:07
Nanortalimmi unnuaq toqusoqarneranut atatillugu Nanortalimmi politiit maanna misissuipput, toqutsisoqarsimaneratut misissuillutik.
Inuk ataaseq suliamut atatillugu tigusarineqarsimasoq, sulili pasisaasimanngitsoq, Kalaallit Nunaanni Politiit pigaartuata Mads Lyngep KNR-imut uppernarsarpaa.
Nanortalimmi politiit arfininngornermi ullaakkut nalunaaqutaq tallimat qaangerlugu tanneq sisamanut kalerrinneqarput.
Toqusimasoq oqartussanit suli kinaassusersiniarneqarmat ilaqutaasut suli aamma kalerrinneqarsimanngillat.
- Suli misissuivugut, sukumiinerusumillu tamanna pillugu suli oqaaseqarsinnaanata. Aqaguli sapaammi ataasinngorpalluunniit paasissutissiisinnaanissarput naatsorsuutigaarput, politiit pigaartuata Mads Lyngep oqaatigaa.
