Atuartup angajoqqaavi naammagittaalliormata franskit politiiivit tigummigallanngortinneqarput
Parisip ilaani atuarfimmi ilinniartitsisoq atuartumit 18-nik ukiulimmit niaquerlugu tallimanngornermi ualikkut toqunneqarpoq.
Aviisip Le Parisienip allaaserisaa naapertorlugu, ilinniartitsisup profiitip muaamaap titartarneqarnera atuartitaminut takutippaa, killiligaanani oqarsinnaatitaaneq pillugu sammisaqartoqarnerani.
Toqutsisimasutut pasineqartoq angut 18-nik ukiulik Tjetjeniamiunit kingoqqisuuvoq Moskvami inunngortoq, taanna politiinit aallaaneqarnermi kingorna toquvoq.
Toqutsisoqarneranut atatillugu inuit qulingiluat politiinit tigummigallaganngortinneqarput.
Tigummigallaganngortinneqartunut ilaapput atuarfimmi ilinniartitsisup toqutaasup suliffigisaani atuartut ilaata angajoqqaavi.
Eqqartuussivimmit paasissutissiissutigineqartut naapertorlugit oqaluttuarisaaneq pilugu ilinniartitsisup sulinera anajoqqaanit naammagittaalliutigineqarpoq, atuartitsinerup nalaani profiitip muaamaap titartarneqarnera saqqummiunneqarmat.
Frankrigip præsidentia Emanuel Macron, tallimanngornermi unnukkut toqutsiuffiusumut alakkaappoq, toqutsinerlu islamisiortut peqqarniissaarlutik saassussinerattut taallugu.