Saqqap eqqaani ujaasineq unitsinneqarpoq

Issittumi Sakkutooqarfiup Kalaallit Nunaannilu politiit angummik inuusuttumik 21-nik ukiulimmik Finn Looqi Langemik ujaasinertik unitsinneqartoq nalunaarutigaat. Finn Looqi Lange marlunngornermi unnukkulli ujaarineqarpoq.
21-nik ukiulimmik Saqqaminngaaneersumik ujaasineq unitsinneqarpoq. Ujaarineqartoq nassaarineqanngilaq. Assi © : KNR
Allattoq Nutaarsiassaqartitsivik / Nyhedsredaktionen
oktobarip 17-at 2020 11:57
Nutserisoq Jaaku Lyberth

Ujaasineq tallimanngornermi unnuap qeqqa sioqqutilaarlugu unitsinneqarpoq.

Finn Looqi Lange kingullermik takuneqarpoq marlungornermi unnukkut nunaqarfiup Saqqap talittarfiani.

Umiatsiamik Pocamik angallateqarluni nunaqarfimmit aallarmalli takuneqarsimanngilaq.

Issittumi Sakkutoqqarfiup sinerissami nakkutilliissutaa Knud Rasmussen taassumalu annanniutai assiliissutillu silaannakkut ingerlaartinneqartartut dronit atorlugit annertuumik ujaasisoqarpoq, soorluttaaq Air Greenlandip qulimiguujutaaa S-61 Qeqertarsuup sineriaata annersaani Saqqallu eqqaanilu ujaasvoq.

Inuit nammineq piumassutsiminnik aamma ujaaseqataapput.

Taakkua ujaaseqataasimanerannut Issittumi Sakkutooqarfik politiillu qujassuteqarput.

Ujaasinerup unitsinneqarnera pillugu ujaarineqartup qanigisai kalerrinneqartut, Kalaallit Nunaani politiit taama nalunaaruteqarput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq