Kilimanjaromi qaqqasiortut ikuallanneq peqqutigalugu qimagussortinneqartut
Ikuallannerup qatserniarnera ilimagisamit ajornarnerusoq, Tanzaniami oqartussat nassuerutigaat.
- Anori aamma ivikkat naasullu panerneri unammillernarput, Tanzaniami takornariaqarnermut ministeri Hamisi Kigwangalla Twitterimi allappoq.
Allattoq Ritzau
oktobarip 16-at 2020 09:16
Nutserisoq Bibi Nathansen
Afrikami qaqqat portunersaata Kilimanjarop ilaa ullut tallimmerlugit ikuallappoq.
Taamaammat nunanit allanit takornariat qaqqami 5895 meteritut portussusilimmiittut qimagussortinneqassanersut, Tanzaniami oqartussat isumaliuutigaat.
Tusarfiit taama ilisimatitsisut, Ritzau allappoq.
Qaqqasiortut nunanit assigiinngitsuneersut sisamanngornerup unnuaani qimagussortinneqarput.
Ikuallannerup qatserniarnera ilimagisamit ajornarnerusoq, Tanzaniami oqartussat nassuerutigaat.
- Anori aamma ivikkat naasullu panerneri unammillernarput, Tanzaniami takornariaqarnermut ministeri Hamisi Kigwangalla Twitterimi allappoq.
Ikuallannerup peqqutaa ilisimaneqanngilaq.
