- Ilaana tuppalliallannarpoq. Taamatut avatitsinninngaaniit tunissuteqarnerannut qujanaq. Qujasorujussuuvunga, Tittus Esrassen oqarpoq.Foto: KNR

Paamiuni katersuiniussaq: Tuppallernaqaaq

Paamiuni ikuallattoqarnerani najugaqartunut tallimanut katersuiniarnermi 6.763 koruunit katersorneqarput. Katersuiniarnermik aallartitsisoq, katersuiniussallu ilaat tupalleqaat.

Paamiuni inissiat ilaanni septembarip aallaqqaataani ikuallattoqarmat inuit pingasut ajunaarput arlallillu uutiterlutik napparsimmavimmut unitsinneqarlutik.

Paamiormiu Karl Berthelsen palasi Louis Sigurdsen suleqatigalugu aningaasanik katersinerminni 6.763 koruunit katersorpaat.

- Maannakkut pigisaminnik annaasaqarsimasut tallimat tamaasa 1.275 koruuninik tunisinnaanngorpagut, Karl Berthelsen oqarpoq.

Illorsuaq sisamanik inissiartaqartoq ikuallappoq. Inissiarlu sisamanik sinittarfeqartoq - allermiittoq ikuallalluni.

Inissiaqarfik ikuallammat inuit ikinnerpaamik 20-it najuupput. Taakkunannga qassiiusut uutiteramik inissianiillu pissinnerminni ajoquseramik napparsimmavimmut unitsinneqarput.

Illorsuaq ikuallammat ajoqusingaatsiarmat inuit tallimat tassani najugaqartut inigisaminniissinnaajunnaarput. Taakku ininut allanut inissinneqarput, pigisatilli ikuallannermit annaavaat.

Paamiuni palasip oqarnera naapertorlugu inissiani najugaqartut atisanik oqortunik oqorutinillu amigaateqarput.

LÆS OGSÅ Brandårsag i Paamiut: Stearinlys eller cigaret kan have startet branden

Tittus Esrassen katersuiniunneqartunut ilaavoq. Tunissutinullu tuppalleqaaq.

- Ilaana tuppalliallannarpoq. Taamatut avatitsinninngaaniit tunissuteqarnerannut qujanaq. Qujasorujussuuvunga, Tittus Esrassen oqarpoq, nangillunilu.

- Tassa eqqarsaatigivara, soorunami arlaatigut atorfissaqartippakka. Immaqa atisat arlaatigulluunniit atorsinnaasannik.

Aningaasat katersat inuttassaannut pingasunngornermi ullaakkut tunniunneqarput, aningaasallumi atorfissaqartinneqarput.

- Ullaarli ilai oqorsaatissaminnik pisiniartut takkuagut, Karl Berthelsen oqarpoq.

Katersuiniarnissammullu isumassarsisoq nuannaaqaaq tupparlerlunilu.

- Assorujusuaq nuannerpoq. Aammali inuiaqatigiit ataatsimut taamannak ikioqatigiissinnaangatta tuppallernarpoq, Karl Berthelsen oqarpoq.

LÆS OGSÅ Politiet undersøger stadig brandårsag

Katersuiniarneq ikuallannermi ajunaartut ilisaareermata aallartineqarpoq. Karl Berthelsenip ikuallassimasoq takuinnarlugu katersuiniarnissani aalajangiuppaa.

- Illup sisamanik inissiallip qanoq ikuallassimatiginera qaammarmat takuara. Annertuumillu ikuallassimasoq, suullu amingaataasut takusinnaasimavakka, taamaattumillu katersuiniarneq aallarnersimavara, Karl Berthelsen oqarpoq.

Katersuiniarnermut suliffeqarfiit assigiinngitsut, nunatsinni Danmarkimilu inuit ataasiakkaat aningasat ikisisimapput.

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt