Trumpip sapaatit akunneri sisamat qaangiuppata coronavirusimut akiuussutissaqalissaneraraa

Amerikami coronavirusimut akiuussusiaq sapaatit akunneri pingasut sisamalluunniit qaangiuppata piariissaaq.

USA-p præsidentia Donald Trump TV-eqarfimmut ABC Newsimut taama oqarpoq. Trump qinersisartut præsidentimut qinersinnginnerminni apeqqutaannut akissuteqarnissaminut ABC Newsimit aggersarneqarsimavoq.

- Akiuussusiornerput iluatsingajalerpoq. Piviusoq paaserusukkussiuk, naalakkersuisuusimasut, FDA tassa amerikamiut nakorsaateqarnermut aqutsisoqarfiat akuersissuterpassuillu pissutigalugit, ukiorpaalunni akiuussusiorniarsimassagaluarput.

- Sapaatit akunnialunnguilli qaangiuppata iluatsissavarput. Immaqa sapaatit akunneri pingasut sisamallunniit qaangiuppata, Donald Trump oqarpoq.

AAMMA ATUARUK Donald Trumpip allattoqarfiata qinersinissaq sioqqullugu akiuussutissaqaleratarsinnaaneraraa

Nunarsuaq tamakkerlugu coronavirusimut qaammatini ukunani akiuussusiorniartoqarpoq.

Coronavirusimut akiuussusiorneq aatsaat aappaagu iluatsissinnaassasoq, USA-mi peqqissutsimik immikkut ilisimasallit qullersaat Trumpip oqaaserisaa akerleralugu nalilerpaat.