Bloombergip Biden 100 millionit dollarinik aningaasaliiffiginiaraa

Aningaasaatilissuup, Michael Bloombergip, USA-mi demokraatinit præsidentinngorniunnissamut sassarniarsarisimagaluartup, demokraatit præsidentinngorniunnermut sassartitaannut Joe Bidenimut ikiuerusulluni nalunaaaruteqarpoq.

Joe Bidenip præsidentinngorniarneranut atatillugu ikiorniarlugu Floridami naligiiffiusumi 100 millionit dollarsinik aningaasaliinissaq 78-inik ukiullip Bloombergip neriorsuutigaa. Aningaasat taakku 628 millionit koruuninik naleqarput.

Bloomberg præsidentinngorniunnermi piffissami pingaaruteqartumi tapersersuinissamik aalajangerpoq. Joe Biden USA-llu præsidentia Donald Trump Floridami naligiittorujussuusut inuit isumaannik paasiniaanerit takutippaat.

AAMMA ATUARUK Bloomberg USA-mi præsidentinngorniuttussatut tunuartoq

New Yorkimi borgmesteriusimasup, Michael Bloombergip, nammineq aningaasaatiminit 1 milliard dollarit USA-mi demokraatinit præsidentinngorniunnissamut sassarniarnermini atorpai.

Namminerli aningaasaatimik ilaat demokraatit præsident Trumpimut ajugaaniarnerannut maanna atorpai.