GIF-ip siulittaasuata Nuka Kleemannip corona pillugu qullersaqarfik sisamanngorpat ataatsimeeqatigissavaa.Foto: KNR

Timersoqatigiit katuffiannit GM suli neriuutigineqarpoq: Misileeqattaartariaqarpugut

Ukioq manna pissartanngorniutivinnissaq taamaatiinnarneqartoq naalakkersuisut siulittaasuata tusagassiortunik katersortitsinermini oqaatigereeraluaraa, timersoqatigiit kattuffianni siulittaasup suli neriuuteqarfigaa.

- Periarfissanik sunilluunniit ujartuisariaqarpugut timersortartut arlaatigut, meeqqat, inuusuttut, utoqqaat, inersimasut innarluutillillu aalatinnerulersissagutsigit. Neriuuteqartissagutsigit arlaannik ujartuisariaqarpugut paaseqatigisinnaasatsinnik, timersoqatigiit kattuffianni siulittaasoq, Nuka Kleemann taama oqarpoq.

Naalakkersuisut siulittaasuata Kim Kielsenip (S) tallimanngornermi tusagassiortunik katersortitsinerani nalunaarutaa, taama qisuariarfigaa. Nunatsinni pissartanngorniutivinnerit ukioq manna ingerlanneqarsinnaanngitsut nakorsaanerlu Henrik L. Hansenillu nalunaarutigaat.

LÆS OGSÅ Kim Kielsen slår fast: Der bliver ingen grønlandsmesterskaber i år

- Aaqqissuussinermimi taamaattumi tuniluuttoqalissagaluarpat taava avannaani, kujataani kitaanilu tuniluuttoqaleriataassaaq, nakorsaaneq oqarpoq.

Katersuunnissamut malittarisassat

Inuit amerlanerpaamik 100-it januarip ulluisa 31-ata tungaanut illup iluani katersuussinnaapput. 

Silami inuit amerlanerpaamik 250-it katersuussinnaapput.

Kommunimit kommunimut angalaqqusaanngilaq. Namminersorlutik Oqartussat katerinnissat pillugit killilersuinerugallartunut nalunaarutaanni paragraf 2-mi allassimavoq:

"Aaqqissuussanut nalliuttorsiornernullu peqataanissamut nalunaarfigineqartariaqartunut atatillugu inuit kommuninit allaneersut aaqqissuussamut peqataanissamut nalunaarsinnaannginnissaat aaqqissuussisup qulakkiissavaa." 

Katersuussinnaanermut maleruaqqusat sukaterneqaqqinngikkaluarlutik nakorsalli innersuussutai naalakkersuisunit malinneqarput. Taamaammat aaqqissuussinerit kommunit killeqarfiisa iluaniiginnartinneqarnissaat aalajangiunneqarpoq.

Corona pillugu qullersaqarfik naapinniaraa

Kim Kielsenilli taamatut aalajangernera timersoqatigiit kattuffianni siulittaasumit, Nuka Kleemannimit naammaginartinneqanngillat.

Kattuffiummi corona pillugu aqutsisoqarfik sisamanngorpat ataatsimeeqatigisussaagamiuk suli neriuuteqarnerarpoq.

- Maannakkut coronamik allattoqarfik, kiisami sapaatip akunnerata tulliani arlaatigut ataatsimeeqatiginiarlugu aamma neriorsuillutik allassimapput.

LÆS OGSÅ Overblik: Håndbold, volley og taekwondo håber stadig på GM

- Taamaattumik neriuppugut aamma ataatsimeeqatigiinnikkut arlaatigut tusaaniarneqarumaarluta.

Naalakkersuisut katersuunnissamut malittarisassat januaarip 31-at 2021-p tungaanut aamma sivitsorpaat. Siullermik ukioq manna decembarip 31-ata tungaanut atuukkaluarput. Tamannalu aaqqissuussinerit kommunit killeqarfii qaangerlugit aappaagu januuarip 31-ata tungaanut ingerlanneqarsinnaajunnaarput.

Aalajangiineq sulorartartunit ataqqineqarpoq

Nunatsinni pissartanngorniutivittoqarnissaanut aaqqiisoqarsinnaanissaa sulorartartut kattuffiannit aamma neriuutigineqaraluarpoq. Taamaakkaluartoq taamatut aalajangiineq akueraat:

- Ulluni kingullerni ataatsimeeqattaarnerit allatut inerneqarnissaat neriuutigigaluarparput, kisianni soorunami taamatut aalajangiineq ataqqisariaqarparput, taanna oqarpoq nangillunilu:

LÆS OGSÅ Naalakkersuisoq om GM: Ikke muligt at imødekomme ønsker fra KAK

- Tassa neriutaaruppugut, GM ukioq manna ingerlanneqassanngitsoq oqarpoq.

Nunatsinni sulorartartut piginnaasaasa annikilliartunnginissaat anguniarlugu suloratartut kattuffiat iliuuseqarniarluni oqarpoq.

- Aappagu Island gamesimut piareersaalluta aamma ingerlariaqqittussaavugut. Aamma inuusuttuaqqat Arctic Winter Gamesinngitsoornikut arlaatigut sammisaqartinnissaanut suna periarfissaanersoq, piffissaq tulliuttoq misissortussaassavarput, Mikael Kleist oqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt