Joe Bidenip USA-p præsidentia ammit qalipaataannik assigiinngisitsisuuneraraa

USA-p maanna præsidentia, Donald Trump, USA-mi præsidentiusimasut akornanni ammit qalipaataannik assigiinngisitsisuuvoq. Præsidentimut tullersortaasimasoq Joe Biden taama oqarpoq.

Biden, præsidentimut ukioq manna novembarimi qinersinissami demokratit sinnerlugit sassarluni Trumpimut unammillertaasussatut ilimagineqartoq, suliatigut peqatigiiffiit ilaasa pingasunngornermi ataatsimiinneranni peqataavoq.

Coronavirusip "kinamiut virusiannik" Trumpimit taaneqarsimanera ernumanartoq, peqqinnissaqarfimmi sulisut ilaata ataatsimiinnermi oqaatigaa.

AAMMA ATUARUK Trumpip coronavirusip tuniluutilerfianik isumaliuutersuutaa WHO-p eqqoriaanertut nalileraa

Bidenip unammillertini republikaneriusoq ammit qalipaataannik assigiinngisitsisuusutut akissuteqarnermini taavaa.

Trumpip inunnik ammit qalipaataat aallaavigalugit assigiinngisitsisarnera merianngunaannartut Bidenip nalilerpaa.

- Republikanerit demokratilluunniit tunuliaqutaralugit præsidentit arlaannaalluunniit maannamut taamaaliornikuunngisaannarpoq, Biden oqarpoq.

- Ammit qalipaataannik assigiinngisitsisartunik USA-mi peqartarsimavoq. Trumpili præsidentitut qinigaasut akornanni tamaattuusuni siullerpaavoq, Joe Biden oqarpoq.

AAMMA ATUARUK Trump pissaanermik atornerluisimanersoq ataatsimiititaliap misissuiffigniiaraa

Bidenip oqaasii, Trumpip qineqqusaarnermut ataqatigiissaarisuisa ilaannit Katrina Piersonimit isornartorsiorneqarput.

Trump inunnik asannittuusoq amerikamiullu tamarmik nukittorsarneqarnissaannik sukataarutiginnittuusoq, taassuma erseqqissaatigaa.