Namminersorlutik Oqartussat piumasaqaataat nutaat takornariartaassuarnik takornariaqarnermut ajalusoortitseratartut, Visit naliliivoq. (Toqqorsivimmit assi).

Piumasaqaatit nutaat takornariartaassuarnik takornariaqarnermut ajalusoortitseratartut

Namminersorlutik Oqartussat tarkornariartaassuarnut piumasaqaatinik sukaterinerat nunatsinni takornariartaassuarnik takornariaqarnerup ajalusoorneranik kinguneqassasoq, Visit Greenland isumaqarpoq.

- Takornariartaassuarnik takornariaqarnerup ukioq manna matuneqarneratut taaneqarsinnaavoq.

Namminersorlutik Oqartussat takornariartaassuarnut nutaanik maleruagassioreersullu, Visit Greenlandip pisortaa Julia Pars taama oqarpoq.

Ilaasartaatimmi nunatsinnukannginnerminni nunami allami ullut 14-it kingulliit ingerlaneranni taleqqasimappata nunatsinnut tikeqqusaanngillat. Tamanna nunatsinnut angalanermut nalunaarummi, Namminersorlutik Oqartussat juulip ulluisa 21-anni saqqummiussaanni, inerteqqutigineqarpoq. 

LÆS OGSÅ Turistråd om genåbning: Det er for sent nu

Takornariartaassuit talinnginnerminni ulluni marlunni pingasuniluunniit timmukartarput. Taamaammat tulannginnermi ulluni 14-ini angalanissaannut piumasaqaammit eqqugaaqisut, Julia Pars oqarpoq. 

- Tamanna takornariartaassuarnik angallatinilluunniit nuannaariartaatinik tikittoqannginneranik kinguneqarsinnaavoq. Takornariartaassuarnimi ilaasut takornariartaassuillu ornigarneqartartunukarnermik niunissamillu periarfissaqarfiunngitsumik angalarusuttartut ikittuararsuupput, Julia Pars oqarpoq.

Takornariartaassuarnik takornariaqarnermut akimmititsisoq

Takornariartaassuarlutik nunatsinnut tikittartut ukiumut 50.000-ngajaasarput. Amerlanerpaartaat aasakkut takornariaqarlualeruttornerani tikittarput.

Visit Greenlandip takornariartaassuit nunatsinnut talikkumasimasutut coronavirusip ajornartoortitsilinnginnerani nalunaarsorsimasai 400-t missaanniipput. Coronavirusilli ajornartoortitsinera takornariartaassuaatileqatigiiffiit angalanissamut pilersaarutiminnik taamaatitserrannerannik kinguneqarpoq. Nunatsinnut talikkumasimasutut nalunaarsoqqasut maanna 100-sut, Julia Pars nassuiaavoq. Taakkualu Namminersorlutik Oqartussat nalunaarutaat nutaaq peqqutaalluni qularnanngitsumik ikileriaqqikkumaartut, taaanna erseqqissaavoq:  

- Takornariartaassuarni ilaasut tulannertaqanngitsumik ulluni 14-ini angalanissartik pinngitsoornatik orniginartinnavianngimmassuk takornariartaassuit tamarmik aqqusaarnissatik taamaatissagaat ilimagaarput, taanna oqarpoq.

LÆS OGSÅ Grønland åbner igen: Fra i næste uge er der fri indrejse

Inerteqqut tamanna Savalimmiuni Islandimilu aamma atuuttoq, pisortap arajutsisimanngilaa.

- Savalimmiunut Islandimullu tamakkiisumik maanna angallaffiusunut COVID-19-imullu misissortiffiusinnaasunut taleqqusaanngillat. Taamaammat takornariartaassuarnik takornariaqarnerup ukioq manna matuneqarneratut isigaarput.

Assigiinngisitsineq

Nunatsinnut angallannermut killilersuinerit marlunngormat qasukkaamineqarmata, nunatsinnut tikittut amerlassusaat killilersorneqarunnaarput. Timmisartorlutilli nunatsinnukartussat nunatsinnukannginnerminni coronavirusimik tunillatsissimannginermut immersugassamillu Sumut-mik immersuisimanermut uppernarsaateqarnissaat suli piumasaqaataavoq.

LÆS OGSÅ Air Greenland om genåbning: Nu skal vi tilbage på vingerne

Timmisartumik nunatsinnukartunut takornariartaassuarmillu nunatsinnukartunut piumasaqaatinik assigiinngisitsisoqartariaqanngikkaluartoq, Visit Greenlandip pisortaa oqarpoq. 

- Isumaqarpunga tamanna takornariartaassuarnik takornariaqarnermut uggornartoq, takornariartaassuarmimmi tikittunut timmisartorlutillu tikittunut piumasaqaatit assigiissimasinnaagaluarmata. Assersuutigalugu nunanit aarlerinanngitsutut nalilikkanit taamaallaat tikittoqarsinnaanissaa, aamma illoqarfinni umiarsualivinnilu taliffigineqarsinnaasutut akuerisani taamaallaat aqqusaartoqarsinnaanissaa piumasaqaatigineqarsimasinnaagaluarpoq, Julia Pars oqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt