Hans Egedemut eqqaassutissaq Københavnimiittoq serlersaarneqarsimasoq
Ajoqersuiartortitamut Hans Egedemut eqqaassutissaq alla Københavnemiittoq marlunngornerup ullaassaani serlersaarneqarpoq.
Tamanna Købehavnimi politiit nutaarsissaqartitsivik Ritzau naapertorlugu uppernarsaraat, Sermitsiaq allappoq.
AAMMA ATUARUK Katersugaasiviup pisortaa eqqaasutissaq pillugu: Suut tamarmik nuunneqarsinnaapput
Eqqaassutissaq "decolonize"-mik, tassa nunasiaajunnaarneq-mik qalipaat aappaluttoq atorlugu allaffigineqarsimavoq. Hans Egedemut eqqaassutissaq Nuummiittoq inuiattut ullorsiornerup unnuaani aamma taamatorluinnaq pineqarpoq.
Hans Egedemut eqqaassutissaq Københavnemiittoq Frederiks Kirkep Marmorkirkenitut ilisimaneqarnerusup silataanniippoq.
- Eqqaassutissap serlersaarneqarnera serlersaarnertut politiinit misissuiffigineqassaaq, Købehavnemi politiit Sermitsiamut ilisimatitsipput.