Boris Johnson: Coronap ajornartoortitsinera uagutsinnut kingunipiloqaqaaq
Coronavirusip ajornartoortitsinera Tuluit Nunaannut kinguneqapiloqisoq, tuluit ministeriunerat Boris Johnson oqarpoq.
- Ajortorujussuuvoq. Oqaasissakka mianersuuttariaqanngilakkaluunniit. Nunatsinnut sinnattupalaatut ippoq, tamannalu nunatsinnut tunngaviatigut aalassatsitseqaaq, Johnson Times Radiomut oqarpoq.
AAMMA ATUARUK Boris Johnson coronamik napparsimareerluni sulileqqittoq
Tuluit naalakkersuisuisa coronavirusimik toqquteqartut eqqugaasullu eqqarsaatigalugit "sutigut qangalu kukkuluttuttoqarsimanersoq misissortariaqarpaat. Johnson coronaviruseqarluni peruluttut immikkoortortaqarfiani uninnganikoq taama oqarpoq.
Taassumalu asinganerarneqarluni timikkullu sanngiillisimanerarneqarluni tusagassiutitigut eqqartorneqarnini ilumuunnginnerarpai.
- Ilumuunngilluinnarpoq. Ajunngeqaanga nunattalu peqqinnissarfiani sulisut qutsavigeqqippakka, Boris oqarpoq.