Danskit umiarsuarmik imaani ilisimatusaateqarnissaat suli qularnartoq
Danskit immami ilisimatusarnissaat pingaartumik danskit Issittup imartaani ilisimatusarnissaat suli qularnarallassaaq.
Danskit ilinniartitaanermummi ilisimatusarnermullu naalakkersuisuat, Ane Halsboe-Jørgensen (S) umiarsuarmut immami ilisimatusaammut nutaamut tunngaviusumik aalajangiinissaq pillugu 2020-mi ukiup affaani siullermi saqqummiinianngitsoq, Ilinniartitaanermut Ilisimatusarnermullu Ministereqarfik Altingip tusagassiivianut paasissutissiivoq.
AAMMA ATUARUK Danmark umiarsuarmik immami ilisimatusaammik nutaamik pisariaqartitsisoq
Danskit ilisimatusarnermut naalakkersuisuat ilisimatusarniarnermut isumaqatigiissutip ilaatut kingusinnerpaamik 2020-p qiteqqunnerani tunngaviusumik aalajangiisussaagaluarpoq.
Coronap ajornartorsiortitsinera kinguaattoornermi pissutaasoq
Saqqummiissanngilarli.
Coronap ajornartorsiortitsinera danskit naalakkersuisuisa tunngaviusumik aalajangiinissamut suleqatigiinnerannut kinguarsaavoq, aatsaallu siusinnerpaamik ukiamut tunngaviusuimk aalajangiisoqarsinnaassagunartoq, Ilisimatusarnermut ministereqarfik Altingetimut paasissutissiivoq.
Umiarsuaq nutaaq ilaatigut Issittumi atorneqartussaassaaq taamaammat sikukkoornissamut kiisalu sikukkut aakkalersukkut avannaarsuatalu sikuatigut nutarpasissukkut ingerlanissamut portusuumik sikusiuteqartussaassalluni.
Umiarsuaq imaani ilisimatusaataasoq maanna atuuttoq, Dana IV, ukiumut ulluni 230-ni angalasarpoq, taannalu danskit ilisimatusarnermut avatangiisaannut, nunat tamalaat akornanni ilisimatusarnermik ilinniarnermilu suleqatigiinnermut, Avatangiisinut Inuussutissanullu ministereqarfiup aalisarnermut ilisimatusarneranut kiisalu EU-mut avatangiisinik nakkutilliinermut atorneqartarluni.