Ilisimatuutut misissuinerup nutaap issittumi qeriunnaartup masarsuaqarnerunera aasiaat aasaanerani marlunnik manniliorsinnaasikkai takutippaa. Assi Jörg U. Hammel.

Kiannerunerata issittumi aasiaat amerlisikkai

Issittumi kiannerunera aasiannut sunniuteqarpoq, taakkulu aasaanerata sivikitsup ingerlanerani marloriarlutik manniliorsinnaalerlutik. Nunatta avannaani kangiani misissuinerup nutaap tamanna takutippaa.

Issittumi kiannerunera aasiaqarnerulersitsivoq.

Ilisimatuutut misissuinerup nunap aputaarutiaarneruneratigut aasiaat marloriarlutik manniliorsinnaapput, taamaalillutik amerlanerulerlutik.

Aarhus Universitet tusagassiuutinut taama paasissutissiivoq.

- Uumasarneranut allannguutit uku siusinnerusukkut takuneqanngisaannarsimapput, allanngorneralu issittumi sullinernut aasiannullu pingaaruteqarluinnartoq takussutissaqarluarpoq, ilisimatuuneq, Toke T. Høye silap pissusiata allanngoriartornerata isumaa pillugu nalunaarummi oqarpoq.

Taassuma ilisimatuut Aarhus Universitetimit, Arktisk Forskningscenterimeersut aamma Institut for Biosciencemeersut siulersorlugit issittumi aasiaat manniliortarnerannut allannguuteqarnerannik siullermeertumik takussutissarsivaat.

Ilisimatuut nunatta avannaani kangiani misissuivimmi Zackenbergimi aasiaat nunatsinni uumassusilinnik nakkutilliinermi ilaatillugit ukiuni 20-ni pisareriarlugit misissortarpaat.

Pullatillu mikisut pinngortitami assigiinngitsuni inississukkat atorlugit pisaqartarlutik.

- Aasiaat issittumeersut piffissami sivisunerpaami misissorpagut. Paasissutissarpassuit taakku issittumi uumasut mikisut silap pissusiata allanngoriartornera ilutigalugu qanoq allanngoriartornersut takutissinnaavarput, Toke T. Høye nassuiaavoq.

Aasiak nalimmassartoq

Ilisimatutut aasiaat silap pissusiata allangnoriartorneranut qisuariaataat pissutsinut nalimmassarsinnaassuseqartutut paasivaat.

Aasiaat uumassusillit mikisut assersuutigalugit pisseriaat nunamiittut uumassutigisarpaat. Aasiaat – imaluunniit sullernit – Issittumi siunissami amerlanerulissappata tamanna ilisimatuut oqarnerat naapertorlugu tamanna nunatsinni inuussutissanut sunniuteqassaaq.

- Uumassusillit ataqatigiinnerata qanoq allanngornissaa pillugu suli eqqoriaaginnarsinnaavugut, uumassuseqartulli pilersitseqqittarnerat issittumi uumassusillit kianneruneranut qanoq qisuariarnerisa paasinissaanut aamma pingaaruteqarpoq, Toke T. Høye oqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt