Ilulissani eqqaavissuup ikuallannerata kingunerisaanik imeq mingutsinneqarsimanersoq akissutersineqarpoq.Foto: Nukissiorfiit

Ilulissani imeq eqqaavissuup ikuallanneranit mingutsinneqarsimanngitsoq misissuinerit takutippaat

Ilulissani eqqaavissuup ikuallannera ippassaq qaminneqarpoq, imerlu piffissaq manna tikillugu mingutsinneqarsimanngilaq.

Nukissiorfiit Namminersorlutik Oqartussaniillu Avantangiisinut Naalakkersuisoqarfik suleqatigiillutik Ilulissani imermut tunngatillugu pissutsit qanimut malinnaaffigaat.

Misissuinernit kingullernit akissutissat maanna pissarsiarineqarput.

- Ilulissani eqqaavissuarmi ikuallattoqarnerani imermut mingutsitsisimanngitsoq erngup misissuiffiginerata takutippaa, Avatangiisinut naalakkersuisoqarfiup pisortaa, Mette Skarregaard Pedersen allappoq.

Misissuinermi ikumanermit sinnikunik susunneqartunik, assersuutigalugu ikuallattoqarneranit putsumit pilersinneqartartunik, erngup annertuallaartumik akoqarsinnaanera misissorneqarpoq.

LÆS OGSÅ Brand på dump: Adam er bange for forurening og køber vand på flaske

Nukissiorfiit Avatangiisinut Naalakkersuisoqarfillu erngup dioxinimik akoqarsinnaanera aamma misissuiffigaat. Dioxin akuutissaavoq toqunartortalik taanna eqqagassanik ikuallaanermi pilersinneqartarpoq.

Naalakkersuisoqarfiulli misissuinerit taakku akissutersinissaat suli utaqqivaa.

- Pissutsit qanimut malinnaaffigivagut, Ilulissanilu piffissami aggersumi imermit misissugassamik aamma tigusisoqaqqikkumaarluni, Mette Skarregaard Pedersen KNR-imut mailikkut allappoq.

KNR-ip innuttaasut ilaat illoqarfimmi erngup mingutsinneqarsimasinnaanera pissutigalugu kuuffimmit imerusunngitsut sapaatip-akunnerani kingullermi oqaloqatigai.

Eqqaavissuaq ulluni 21-ni ikuallappoq, qatserisartullu ulloq unnuarlu qamitsiniaasimallutik.

Avannaata Kommuniani upalungaarsimasut pisortaata, Jens Dahl ikuallattoq maanna qaminneqarsimasoq pingasunngornermi ualikkut paasissutissiissutigaa.

Ilulissani qatserisartut pisumi immikkut ittumi ikiorniarlugit Uummannamit Qasiannguaniillu qatserisartut ikiuukkiartornikuupput.

Tassa Uummannamit qatserisartut tallimat Qasiannguaniillu tallimat ikiuukkiartornikuullutik.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt