Danmarkip 200 milliardit koruunit coronap ajornartoortitsinerani pisariaqartikkai

Coronap ajornartoortitsinerata kingunerisaanik inuussutissarsiortunut ikiorsiissutinut aningaasanik milliardilikkuutaanik Danmark pisariaqartitsivoq.

AAMMA ATUARUK Danskit naalakkersuisui 197 milliardit koruuninik amigartuussangasut

Danmark katillugit 294 milliardit koruuninik ukioq manna pisariaqartitsivoq. Aningaasaqarnermut ministereqarfik tusagassiutinut taama nalunaaruteqarpoq.

Taakku coronavirusip 2019-ip naajartulernerani tuniluutilinnginneranut naleqqiullugit 207 milliardit koruuninik amerlanerupput.

- Coronavirusip ajornartoortitsinera pissutaalluni inuussutissarsiortunut ikiorsiissutinut immikkut aningaasaliissutit pissutaallutik amerlanerusunik pisariaqartitsisoqarpoq, akileraarutitigullu isertitassat ilimagisamit ikinnerunerat aamma pissutaapput, aningaasaqarnermut ministereqarfik taama allappoq.

AAMMA ATUARUK Coronap ajornartorsiortitsinera nunatta aningaasaqarneranut kingunerlungaatsiassasoq

Naalagaaffiup aningaaserivissuata, Nationalbankenip, aningaasanik amerlanerusunik aasap ingerlanerani attartortitsiniarnini pilersaarutigaa.

Naalagaaffiup aningaaserivissuata taassuma saniatigut statsobligationinik akiitsullu allagartaannik allanik tunisaqarnerunissani periarfissaraa.