Sialussuaraluartoq Australiami nunap immikkoortuani, New South Walesimi, ikuallattut suli ikumasut 25-upput, taakkunannga sisamat qaminneqarsinnaanatik.Foto: Loren Elliott/Reuters/Ritzau Scanpix

Australiami ikuallattoq qamittoq

New South Wales sialussuarnera Australiap kangisissortaani ullorpassuarni ikuallattup qaminneranut iluaqutaavoq.

Australiap kangisinnerusortaani ikuallattoq ullut 210-it ikumareerluni qamippoq.

Sydneyp avannaani illoqarfimmi sineriammiittumi Port Macquairemi ikuallanneq siorna juulip ulluisa 18-annili ikuallappoq.

Ikuallattoq kvadratkilometerit qulingiluat missaattut annertutigisoq ullualunni kingullerni aatsaat taama annertutigisumik tassa 260 millimeterisut annertutigisummik siallussuarnerata kingunerisaanik qamippoq.

LÆS OGSÅ Tiltrængt regn oversvømmer Australiens østkyst og skaber kaos

New South Walesimi qatserisartoqarfik Twitterikkut taama ilisimatitsivoq.

Sialussuarnerata saniatigut qatserisartut nunap iluanut qatseripput, ikuallattup annersaa nunap iluani ikumammat.

Australiami nutaarsiassaqartitsivik, Sydney Morning Herald, taama allaaserisaqarpoq.

Sialussuaraluartoq Australiami nunap immikkoortuani, New South Walesimi, ikuallattut suli ikumasut 25-upput, taakkunannga sisamat qaminneqarsinnaanatik.

Siallernissaa ilimasaarutigineqarmat nunap immikkoortuani ikuallannerit sapaatip akunnera qaanngiutsinnagu qamikkumaartut, Australiami oqartussaasut naatsorsuutigaat.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt