Boris Johnsonip skotlandimiut namminiivilittunngorusunnerannut itigartikkai
Boris Johnson, Skotlandip naalakkersuisuisa siulittaasuannut Nicola Sturgeonimut, taama marlunngornermi allagaqarpoq.
Skotlandimiut taasitinneqarsinnaanissaannut Skotlandimi innuttaasut Johnsonimit piginnaatitaanissaat, Sturgeonip kissaatigisimavaa.
Skotlandip Tuluit Nunaannit avissaarluni namminiilivittunngornissaa pillugu Skotlandimi innuttaasut kingullermik 2014-imi taasitinneqarput, Skotlandip namminiilivittunngornissaanut tapersersuisut taamanikkut 45 procentiullutik, akerliusullu 55 procentiullutik.
AAMMA ATUARUK Britiske aviser: Parlamentsvalg bliver historisk afgørende
Skotlandimiut tamanna pillugu taamaammat isummereersut, Boris Johnson isumaqarpoq.
Johnsonip taama oqarnissaa Sturgeonip ilimagereerpaa, Skotlandillu siunissani pillugu Skotlandimiut nammineq aalajangiisinnaassuseqarnissaat sulissutigiuassallugu aamma oqarluni.
Tuluit EU-mi pilersaarutit naapertorlugit ukioq manna januaarip ulluisa 31-anni ilaasortaajunnaarnissaat pillugu Skotlandimiut namminiilivittunngornissaq pillugu taasitinneqarnissaat, Nicola Sturgeonip piumasaraa.
