Foto: Royal Run

Nuummi aasaru Royal Runertoqassaaq

Royal Runimik taallugu Nuummi ukioq manna maajip ulluisa 28-anni arpaqatigiittoqassaaq, kunngissaq Frederik aamma peqataassalluni.

Kommuneqarfik Sermersooq tusagassiutinut nalunaarummi ullaaq manna taama allaaserisaqarpoq.

Nuummi Royal Run aaqqissuunneqareerpat, Danmarkimi kingorna aamma Royal Runertoqassaaq, tamanna juunip aallaqqaataani pisussatut pilersaarutigineqarluni.

Kunngissaq Frederik 2018-imi 50-iliimmat Royal Run aaqqissuunneqartalerpoq.

LÆS OGSÅ Kronprinsen inviterer til Royal Run på Færøerne

Oqilaniunneq Royal Runimi pingaarnerpaatinneqanngilaq, timersoqatigiittoqarnisssaa pingaartinneqarnerpaalluni.

Qassinilluunniit ukioqaraluaraanni, isorartussutsit assigiinngitsut arpaffigineqarsinnaapput, arpattartutut misilittagartuut pisuinnaalluunniit peqataasinnaapput, Royal Runimi kikkunnut tamanut ammavoq.

Nuummilu Royal Runertoqarnissaa Nuummi qilanaarutigineqarpoq:

- Naalagaaffeqatigiinnermi arpannermi aaqqissuussani annerpaaq, Royal Run, Kalaallit Nunaanni ingerlanneqassaaq, arpannermut aaqqissuisoq Kim Godtfredsen oqarpoq:

- Ingasassaqaaq. Neriuppunga arpannermut soqutiginninnerulersitsiumaartoq, taamaalillunilu ulluinnarni aalanerulernissamut iluaqutaajumaartoq, taanna oqarpoq.

LÆS OGSÅ Danmarkimi Royal Run ingerlanneqarmat inuit 82.000-it peqataasut

Royal Runillu Nuummi pisussatut pilersaarutigineqarnera Kommuneqarfik Sermersuumit aamma nuannaarutigineqarpoq:

- Royal Runip ingerlanneqarnissaanut aaqqissuussisuunerput assut nuannaarutigaarput, ilaatigut inuiaqatigiit peqqissusaasa ukkatarinissaa peqataaffigissatsigu. Nuummi pinngortitamik kusanartumik avatangiiserissaarlutik Kunngissaq peqatigalugu ataatsimut arpaqatigiinnissamut periarfissaqalerput, Kommuneqarfik Sermersuumi borgmesteri Charlotte Ludvigsen oqarpoq.

Nuummi arpaqatigiittoqarnissaanut 4000-it peqataanissamut periarfissaqarput, peqataaniaraanni nalunaartoqartussaalluni.

Kunngissaq Frederik 10 kilometerimut arpaqataassasoq, Royal Runip nittartagaani ilisimatitsissutigineqarpoq.

Royal Run Savalimmiuni Klaksvikimi siorna aaqqissuunneqarpoq, inuit 4010-t tassani peqataallutik. Savalimmiuni arpaqatigiinneq aatsaat taama angitigisoq taamanikkut aaqqissuunneqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt