- Sermersuaq aakkiartupiloorpoq, Kalaallit Nunaannilu marlunnik pilersaarutit malillugit 2023-mi mittarfissuaqalertussaammat Kalaallit Nunaannut takornariaqarfissuanngorpallaannginnerani tikeraarnissat piffissanngorpoq, The New York Times taama kaammattuuteqarpoq. Toqqorsivimmit assiFoto: KNR / Anton Gundersen Lihn

The New York Times: Sermersuup aannginnerani Kalaallit Nunaannukarit

Amerikamiut aviisiata, The New York Timesip, nunarsuarmi sumiiffiit takornariarfissatsialaanerpaatut nalilikkamini 52-iusuni nunarput takornariarfissatsialaanerpaat sisamaattut toqqarpaa.

USA-p præsidentiata, Donald Trumpip, Kalaallit Nunaannik pisiariumannikkumanerata kingunerisaanik Ilulissat Kangiata Sulluanik ummimmannillu Kalaallit Nunaata avannaarsuata kangianiittunik takunnikkusuttut amerlipput.

Amerikamiut aviisiat, The New York Times, atuartartorpassuaminut sermersuup aannginnerani nunatsinnut tikeraarnissaannut kaamaattuuteqartoq, taama allaaserisaqarpoq. 

- Sermersuaq aakkiartupiloorpoq, Kalaallit Nunaannilu marlunnik pilersaarutit malillugit 2023-mi mittarfissuaqalertussaammat Kalaallit Nunaannut takornariaqarfissuanngorpallaannginnerani tikeraarnissat piffissanngorpoq, The New York Times taama kaammattuuteqarpoq. 

Umiarsuillu takornariartaatit nunatsinnukartartut amerliartuinnartut avatangiisinik mianerinninnissaq pingaartinneruleriartoraat, The New York Timesip aamma nuannaarutigaa.

Nunarsuarmi sumiiffiit 52-it, soorlu Australia, Tokyo Lesotholu, ukioq manna takornariarfissatsialattut The New York Timesip allattorsimaffianiittut ilagaat, Københavnilu normu 38-tut inissisimalluni.

USA-mi illoqarfiit pingaarnersaat Washington D.C. normu 1-itut inissisimavoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt