Filippinerini qaqqap innermik anitsinissaa aarlerisaarutigineqarmat inuppassuit qimagussortinneqartut
Filippinerini illoqarfiit pingaarnersaata Manilap ungasinngisaani qaqqap innermik anitsisartup innermik anitsisinnaanissaa, Filippinerini oqartussat sapaammi aarlerisaarutigaat, qaqqarmi pineqartoq timmisartuussinernut kinguneqartumik arsakunik qullaatitaqalerpoq.
Qaqqaq innermik anitsisartoq Manilamit kujammut 66 kilometeritut ungasitsigisumiippoq.
Inuit qaqqap Taalip eqqaani najugallit 8000-it missaat qimagussorneqarput.
Qaqqaq pineqartoq arsakunik qummut 1 kilometeritut portutigisumut sapaammi qullaatsitsivoq, tamannalu illoqarfiit eqqaaniittut pujorallerujussuarnerannik kinguneqarpoq.
Filippinerini oqartussat qaqqap innermik anitseratarsinnaaneranut aarlerisaarutaat qaffanneqarpoq, qaqqap ulorianarnerpaaffittut nalilerneqarnera qaffanneqarluni. Nalilersueriaatsimi 5 qaffasinnerpaasoq 4-mut inissinneqarluni.