- Innuttaasut suliaqartarnitsinnik takunnissinnaatillugit qaaqqunissaat pingaaruteqarpoq. Uanga politikkimik ingerlatsisarnermi qaffaseqatigiittoqartarnissaa pingaaruteqarpoq, Aaja Chemnitz Larsen oqarpoq.Foto: KNR

Christiansborgimi ukiortaami ilasseqatigiinnermut qaaqqusineq

Christiansborgimi ukiortaami ilasseqatigiinnermut qaaqqusinermi kalaallit folketingimut ilaasortat ilassinissaat ukioq manna aamma periarfissaavoq. Inuit Ataqatigiinnit Folketingimut ilaasortaq ukiortaami ilasseqatigiinnissamut qaaqqusisuuvoq.

Politikerit, ilaquttat ilisarisimasallu 2020-mi pilluaqqullugit ilasseqatiginissaat suli periarfissaavoq – assersuutigalugu Christiansborgimi.

Inuit Ataqatigiinnit Folketingimut ilaasortaq, Aaja Chemnitz Larsen taassumalu allaffeqarfianeersut tamarmik nunatsinnut attuumassuteqartut ukiortaami ilasseqatigiinnissamut ukiup aappassaanik qaaqqusipput.

Tamanna Christiansborgimi ataatsimoortarfimmi januaarip 15-ianni nalunaaqutat tallimanit arfineq-marlup qeqqata tungaanut ingerlanneqassaaq.

LÆS OGSÅ Aaja Chemnitz Larsen inviterer til Åben Christiansborg

- Innuttaasut suliaqartarnitsinnik takunnissinnaatillugit qaaqqunissaat pingaaruteqarpoq. Uanga politikkimik ingerlatsisarnermi qaffaseqatigiittoqartarnissaa pingaaruteqarpoq, Aaja Chemnitz Larsen oqarpoq.

Naalakkersuisut siulittaasuat pisarneq malillugu Danmarkimi ukiortaami ilasseqatigiinnissamut qaaqqusivoq.

Tamanna Københavnimi Illu Atlantikumi Kalaallit Sinniisoqarfiani tallimanngormat pivoq. Politikerilli atorfillillu nunatsinnut immikkut attuumassuteqartut kisimik tassunga peqataasarput, naalakkersuisullu naalakkersuisuat Kim Kielsen ukiortaami tassani oqalugiarluni.

Christiansborgimi ukiortaami ilasseqatigiinnissamut qaaqqusinermut peqataanissaq akeqanngilaq, peqataaniaraannili nalunaaruteqarnissaq pisariaqarpoq, inissammi killeqarput. Nittartakkami Billettomi isissutissanik pissarsisoqarsinnaavoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt