Meeqqat sipaarniarfigineqassanngillat.Foto: Merete Lindstrøm

Kommuneqarfik Sermersuup aningaasaliissutissat isumaqatigiissutigigai

Kommuneqarfik Sermersooq aappaagumut missingersuusiornermi isumaqatigiissusiorpoq. Partiini sisamaasuni pingasut missingersuummi isumaqataapput.

Kommuneqarfik Sermersuumi borgmesteri Charlotte Ludvigsen Asii Chemnits Narupip issiavikuaniilernerminiit siullermeerluni ukiumut missingersuusiornermi isumaqatigiissusiorpoq. 2020-mut missingersuutit isumaqatigiissutigineqartut Demokraatinik Suleqatigiissitsisuniillu taperserneqarput.

LÆS OGSÅ Live: Asii Chemnitz Narup har trukket sig som borgmester - Charlotte Ludvigsen tager over

Tassunga tunngatillugu borgmesteri oqaloqatigeqqammerpara aperaaralu isumaqatigiissummi suna nuannaarutiginerpaaneraa

- Isumaqatigiissut atsiorneqartoq nuannaarutigisorujussuuarput, ingammik meeqqanut ilaqutariinnullu aningaasanik sipaarniartoqassanngitsoq. Taassumalu iluani tamakkiisumik ilaqutariinnut ikiorsiinissamut siunnerfeqarluta isumaqatigiikkatta. Ilaqutariinnullu illoqarfinni pisariaqartitsisuni susassaqartitsinissamut aaqqissuussisinnaaneq.

Kommuneqarfik Sermersuumi borgmesteri, Charlotte Ludvigsen oqarpoq, nangillunilu

Tunumi interneti pitsaanerusoq

- Aamma Tasiilami internetimut attaveqaatip pitsanngorsaaviginissaa aalajangiupparput. Systeminut tunngatillugu suleqatigiinneq eqaannerulerlunilu pitsaanerulernissaa anguniarlugu. Soorunami aamma innuttaasunut pitsaanerusumik attaveqaateqartitserusulluta aalajangiupparput

Tasiilami internetip pitsanngorsarnissaanut satelitsimut attaveqaat 16 mbitimiit 200 mbitimut qaffanneqassaaq. Pilersaarut malillugu attaveqaat 2020 qiteqqunnerani atuutilereersimassaaq. Attaveqaammut pitsanngorsaanissamik kommunip Telepostillu isumaqatigiissutaannut aningaasartuutissap annerpaaq telemit akilerneqassaaq.

LÆS OGSÅ Asii Chemnitz Narup - fra socialrådgiver til populær borgmester

Aningaasat meeqqanut tunngasunut atugassat tunimilu internetimut attaveqaammut tunngasut saniatigut isumaqatigiissummi aamma allaqqavoq aningaasat 15 procentii sanaartornermut atorneqassasut. Ilaatigut Tasiilami illuaqqanik paaqqinnittarfinniit atorneqartartussanik sanaartortoqassaaq, anartarfiit kuuffiinik erngullu aqqutaannik sanaartornermut aningaasat atorneqassapput Nuummilu atuarfinnik utoqqaallu illuannik sanaartortoqassalluni.

 

 

 

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt