Immikkut ilisimasallit angalanissaat Ruslandip isertortumik paasiniaanissamut atorsinnaagaa ernummatigineqarmat, angalanissaat Danmarkip unitsinniarsarisimagaa, atiminik tunniusserusunngitsup oqaatigaa, Asseq: ToqqorsivimmitFoto: Grønlands Naturinstitut

Tusagassiuutit: Danmarkip silap pissusia pillugu ilisimatusarneq parnaaruppaa

Ilisimatuussutsikkut suliniutit nunami pisussatut pilersaarutigineqartut Namminersorlutik Oqartussanit akuerineqarsimapput, nunanulli allanut tunngasunut ministereqarfiup nunatta imartaani angalasinnaanissamut akuersissutit qaammatini tallimani suliarigaluarlugit suli tunniussinnaasimanngilai.

Immikkut ilisimasallit 45-t, ilisimatuussutsikkut sulianik assigiinngitsunik 15-inik suliaqarniartut angalasinnaajunnaarput, angalanissamut akuersissutit Danmarkip nunanut allanut tunngasunut ministereqarfiata suli tunniussimanngimmagit. Aviisi Politiken ullumi taama allaaserisaqarpoq. Aviisi Politiken ullumi ataasinngornermi taama allaaserisaqarpoq.

Ilisimatuussutsikkut suliniutit nunami pisussatut pilersaarutigineqartut Namminersorlutik Oqartussanit akuerineqarsimapput, nunanulli allanut tunngasunut ministereqarfiup nunatta imartaani angalasinnaanissamut akuersissutit qaammatini tallimani suliarigaluarlugit suli tunniussinnaasimanngilai.

Akuersissutit atorsinnaasorigaluarpai

Schweizimiut Issittoq pillugu ilisimatusarfiata SPI-p angalanissaq ukiualunni pilersaarusioraluarpaa.

Immikkut ilisimasallit Københavnip universitetianeersut angalaqataasussaagaluarput. Sermersuarmi qillerisoqartussaagaluarpoq, sermillu iigartartut misissuiffigineqartussaagaluarlutik, sermillu aannerisa immamut sunniuteqaataat misissorneqartussaagaluarluni.

LÆS OGSÅ Trecifret millionbeløb til arktisk forskning

Angalanissamut pilersaarutit pillugit Nunanut allanut tunngasunut ministereqarfimmut, Namminersorlutillu Oqartussanut siornali tunniunneqareeraluarput.

Angalasinnaanissamullu pilersaarutit ajornartorsiutigineqarsinnaanissaannut taamanikkut takussutissaqanngitsoq, SPI-p pisortaata Danièle Rodip oqaatigaa.

Russit peqataaniarnerat ajornartorsiutaasinnaavoq

Russit ilisimatuussutsikkut umiarsuaat atorlugu nunatta kaajallanneqarnissaa pilersaarutaasoq, oqartussat aamma ilisimatinneqarsimapput.

Immikkut ilisimasallit nunatta imartaani angalanissaat, Ruslandip isertortumik paasiniaanissamut atorsinnaammassuk, nunanut allanut tunngasunut ministereqarfiup suliniut unitsikkaa, illersornissaqarfiup Kalaallit Nunaanni sulineranut ilisimasallip, atiminillu tunniusserusunngitsup, oqaatigaa.

 

- Russit ilisimatuussutsikkut suliat aqqutigalugit isertortumik paasiniaasinnaanissaat periarfissaalluarsinnaavoq, atiminik tunniusserusunngitsoq Politikenimut oqarpoq.

Russit umiarsuaasa angalanerup nalaani immap naqqanik assiliorsinnaanerat aarleqqutigineqarsinnaavoq, soorlu aamma kabelit attaveqaqatigiinnermut atorneqartartut paasissutissanik aallerfigineqarsinnaanerat ernummatigineqarsinnaasoq.

LÆS OGSÅ Forskningslicens har skabt diplomatisk strid

Immikkut ilisimasallit nunatta imartaani angalasinnaanissaat pillugu akuersissutit suli tunniunneqarsimanngitsut, Politikenip nunanut allanut tunngasunut ministereqarfimmut apeqqutigerusussimagaluarpaa, ministereqarfilli oqaaseqarusussimanngilaq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt