Tusagassiuutit: Demokraatit timmisartumut akitsuutit tapersersorumanngilaat
Demokraatit timmisartornissamut akitsuutiginiarneqartut tapersersunngilaat, taamaalilluni Kim Kielsen Siumumilu sinneruttut Inatsisartuni ikinnerussuteqalerput.
Sermitsiaq taama allaaserisaqarpoq.
Akitsuutinik ilusiliineq nunatsinni angalanermut ukiuunerani akisunerutitsivoq, nunanullu allanut angalanermi akitsuutinik appaasoqarluni.
AAMMA ATUARUK Air Greenland: Akitsuuteqarnerulerneq angalanermut akisunerulersitsivoq
Inuit Ataqatigiit Partii Nalerarlu akitsuusiiniarnermut Naalakkersuisut akuerisaannut isornartorsiuingaatsiarput.
Timmisartumik ukiortaamiit angalaniaruit akisunerunissaa naatsorsuutigilereersinnaavat. Mittarfeqarfiimmi atuisunut akigititaminik qaffaammata, angalanissamut billitsit akii qaffanneqartariaqassasut Air Greenlandimit oqarput. Akitsuutinik qaffaaneq atuisunut 2020-mi 17 millionit koruuninik naleqassaaq.