- Qujanartorujussuupput, qujaannarnerluunniit amigarpoq, upalungaarsimanermut pisortaq Ole Kreutzmann oqarpoq.Foto: Aputsiaq Olsen Jonathansen

Namminneq piumassutsiminnik qamisaasut qatserisartunit paarlanneqarput

Qatserisartut Danmarkimeersut Sisimiut eqqaani nunamik ikuallattumik maanna qamisaaqataapput. Namminnerlu piumassutsiminnik qamisaaqataasut arlallit qatserisartunut ikiuuttut taamaasillutik qasuersersinnaalertut, Qeqqata Kommuniani upalungaarsimanermut pisortap oqaatigaa.

- (Namminneq piumassutsiminnik qamisaallutik, aaqq.) ikiuuttut amerlanerpaagamik 25-t missaanniipput massakkullu ikiliartuaarusaarput, upalungaarsimanermut pisortaq, Ole Kreutzmann oqarpoq.

LÆS OGSÅ Sådan skal naturbranden ved Sisimiut bekæmpes

Nuna 19 km2-isut isorartutigisoq ikuallareerpoq. 700 meterisullu isorartutigisoq avannamut nuna suli ikumasoq, upalungaarsimanermut pisortap paasissutissiissutigaa.

Sapaammili qamisaasut

Sisimiut avannamut kangiatungaani Kangerluarsuk Tullermi nuna ikuallammat inuit namminneq piumassutsiminnik  unnuaqarnatik sapaammili qamisaapput. 

- Ikuallattup illuaqqanut siaruaannginnissaa taakkua ikiuulluarneratigut qujanartumik iluatsippoq. Qujanartorujussuupput, qujaannarnerluunniit amigarpoq, Ole Kreutzmann oqarpoq.

LÆS OGSÅ Frivillig kæmper mod naturbrand: Det er skræmmende

Sisimiut eqqaani nuna ikuallattoq juulimi qaminneqaraluarpoq, sorlaalli nunap iluani ikumasimammata nuna ikuallaqqilerpoq.

Qamisaanermi periuseq alla atorneqartoq

Qatserisartut nunatsinnut, unnuaq nalunaaqutaq pingasunngulersoq, tikisinneqartut 38-t qatserisartullu nunatsinneersut ilaatigut nunamut kapuutit qatserutitallit atorlugit sorlannik qamisaapput.

- Pakkersimaarinninnermi siaruatsaaliinermut pilersitaq tassaasarpoq nunap ilua imermik immerlugu, qaavalu masatserluarlugu, kisiannili pingaartumik nunap ilua imermik annertuumik immerlugu, brandbæltiliorneq. Taamaalilluni nunap iluatigut siaruaannissaa pinngitsoortinneqassaaq.

Qatserisartullu sapaatit akunneri marluk missaanni suli sulinissaat, Ole Kreutzmannip naatsorsuutigaa:

- Avannaatungaaniikkami Uutap Kuua, taannalu qaangeruniuk nunarujussuaq annertooq ikuallalersinnaagami, Qeqqata Kommuniani upalungaarsimanermut pisortaq, Ole Kreutzmann, oqarpoq.

 

Sisimiuni nuna ikuallattoq. Issittumi Sakkutuut assilisaat.

Sakkutuut timmisartuannit Challengerimit Sisimiut eqqaanni ikuallattoq ulloq aggustip arfineq-pingajuanni immiunneqartoq.

 

Assi: Google Maps

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt