Foto: KNR/Anton Gundersen Lihn

Royal Arctic Line sinneqartooruteqaqqilerpoq

Umiarsuaatileqatigiiffik Royal Arctic Line 2017-mi 6 million kr-nik amigartooruteqarsimalluni 2018-mi sinneqartooruteqarpoq

 Umiarsuaatileqatigiiffik Namminersorlutik Oqartussanit pigineqartoq sinneqartooruteqarluni ingerlaqqilerpoq.

Umiarsuaatileqatigiiffik 2017-mi  6,6 million kr-nik amigartooruteqariarluni 2018-mi 14,1 mio kr-nik sinneqartooruteqarpoq, umiarsuaatileqatigiiffiup 2018-mi naatsorsuutaani  takuneqarsinnaavoq.  

LÆS OGSÅ Underdirektør i Royal Arctic Line forlader stilling efter 25 år

Pitsaasulluinnartumik ingerlasimasoq, siulersuisuni siulittaasup Ulrik Blidorfip nalunaarutigaa.

- Umiarsuarmik nutaamik sanatitsineq tassunga qaavatigut  sunniuteqarmat inernera ajorisassaanngila, Ulrik Blidof oqarpoq 

2018-mi angusat 2014-miilli ikinnerpaat tulleraat. Assersuutigalugu 2016-mi angusat 98 million kr-niupput 2015-mi 63 million kr-niullutik kiisalu 2014-i 22 million kr-niullutik.

Ulrik Blidorfip eqqaavaa, qarasaasiakkut suleriaatsip iluarsineqarneratigut, umiarsuaatileqatigiiffiup angusaqarluarneranut pissutaasoq:  

-  Qarasaasiakkut atortutigullu annertuumik nutarterisoqarpoq, taakkualu pissutigalugit RAL-ip aningaasatigut inissisimanera taamatut isikkoqalermat RAL-imi siulersuisuni siulitaasoq taama oqarpoq.

2018-mi kaaviartitat amerlanerulersimapput.  Taakkua 80 million kr-nit 876 million kr-ninut amerleriarput.  Nammineq aningaasaatit siornamut sanilliullugit amerlanerulerput 663 million kr- niugamik.

Nammineq aningaasaatit 2017-mi 642 million kr-niugamik.  

LÆS OGSÅ Tommel op til Royal Arctic Lines samsejlingsplaner

Pitsaalluinnartumik ineriartornerup ukiormanna ingerlaannarnissaa naatsorsuutigineqarpoq.  Umiarsuaatileqatigiiffiullu aqutsisuisa ukiormanna suut pilersaarutiginerai  Ulrik Blidoorfip ima oqaatigai:

- Islandimiut umiarsuaatileqatigiiffiat EimSkip  Royal Arctic Line-mik suleqateqarnissaq Islandimi oqartussaasunit akuerineqarpoq,   tamannalu 2019-mi RAL-imut pinngitsoorani sunniuteqartussaavoq, Ulrik Blidorf oqarpoq.

Naatsorsuutit umiarsuaatileqatigiiffiup ataatsimeersuarnerani pingasunngornermi ualikkut akuerineqarput.

Ataatsimeersuarnermi Royal Arctid Linemi siulersuisut allanngorput. Miinannguaq Zeeb aamma Stefan Buch siulersuisuni ilaasortanngorput  taaaku taarserpaat, Tanja Nielsen aamma Amma Knudsen.

Siulersuisuini ilaasortat tassaapput Ulrik Blidorf, Erik Østergaard, Mai-Lill Ibsen, Minannguaq Zeeb og Stefan Buch

Royal Arctic Linemilu sulisut sinnerlugit sinnerlugit ilaasortanngorput Jens Peter Rosing Berthelsen, Eydun Simonsen ammma Laust Vestergaard.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt