Taamaammat Banff National Parkimi annaassiniartartut sumiiffik qaqqasiortartut ingerlaffigisussaasimasaat qulimiguulimmit ujaasiffigaat.Foto: Flickr.com / Antoine 49

Akissarsiutigalugu qaqqasiortartut pingasut Canadami ajunaarsimasorineqartut

Qaqqasiortartut pingasut Canadami ingerlaffigisussaasaanni aputip sisoorsimaneranik takussutissanik nassaartoqarpoq.

Akissarsiutigalugu qaqqasiortartut pingasut Canadami aputip sisoornerani ajunaarsimanissaat aarlerigineqarpoq.

Canadami oqartussat marlunngornermi taama paasissutissiisut, nutaarsiassaqartitsivik AP allappoq.

Angutit pingasut amerika avannarlermi qaqqat uiguleriit Rocky Mountainsip Canadamiittortaani Canadian Rockiesimi periarfeerunneqarput.

Howse Peak pingasunngormat qaqiniarsaraat, apuunnissamullu piffissaliussami apuunnatik.

Taamaammat Banff National Parkimi annaassiniartartut sumiiffik qaqqasiortartut ingerlaffigisussaasimasaat qulimiguulimmit ujaasiffigaat.

Tassani aputip sisoorsimaneranik takussutissanik, ujaqqanik nakkaasimasunik qaqqasiornermullu atortunik nassaartoqarpoq.

Banff National Parkimit taama nalunaaruteqartut, nutaarsiassaqartitsivik AFP allappoq.

Silarlunneratali aputillu sisooqqissinnaaneranik aarlerissuteqartoqarnerata annaassiniarneq uninngatippaat.

Qaqqasiortartut pingasut timersortartunut The North Facemit aningaasalersorneqartunut ilaapput.

- Maqaasineqarput, annaassiniartartullu ajornerpaamik pisimasoqarsimasoraat, AP naapertorlugu The North Face taama nalunaaruteqarpoq.

 

                             /ritzau/

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt