Foto: Grønlands Politi

Politiit Qasigiannguani suliaqarnerat isornartorsiorneqartoq

Politiit Qasigiannguani sisamanngornermi tigusarinninnertik suli misissuiffigigamikku  oqaaseqarsinnaanngikkallarput. Innuttaasulli ilaata politiit tigusarinninnissaminnut suliaqarnerminni innuttaasunut mianersoqqusisimanngimmata isornartorsiorpai.

Politiit navianartunut orniguttartui angummut navianaatilimmut tigusarinnitsikkiartorlugit Nuummiit Qasigiannguanut sisamanngornermi suliaqartinneqarput.

Illoqarfimmilu nalinginnaasumik eqqissisimasuusumi tassangaannaq politiit aallaasisaartut takussaalerput.

- Angerlarnitsinni paasivara aallaasersortoqartoq. Tassalu uagut aneqqissinnaajunnaarluta, Rakel Sandgreen Villads Villadsenip Efterskoliani pisortaq oqarpoq.

Angummi navianaatilittut nalilerneqartoq politiit navianartunut orniguttartuisa sakkutuut umiarsuaata Hvidbjørnenip qulimiguulianut ilaallutik Qasigiannguanut Nuummiit tigusariartorpaat.

Tigusarinnikkiartornerlu innuttaasunut kalerriutigineqanngilaq.

LÆS OGSÅ Mand anholdt i Qasigiannguit efter drabsforsøg

 

- Atuartullu pingasut qimminik nerisitsiartortut paarlaannarlugit takoreerlugit. Ernumaneq annertoorujussuaq tassaniippoq, Rakel Sandgreen oqaluttuarpoq.

Taamaannerani Villads Villadsenip Efterskoliani pingaartoq ataaseq atuartunik 62-nik nakkutilliilluni sulivoq. Taannalu Rakel Sandgreenip oqarasuaatikkut attavigaa.

- Biilinik majuarluta takugakkit politiit arlariit aallaasillit. Tassani assorujuk annilaarpunga. Uatsinnullu iseratta efterskolimut sianerpunga; Anisoqassanngilaq. Naak, taakkua atuartut? Kalerriarsigit. Katersuuteriaritsi, Rakel Sandgreen oqarpoq.

Taamaattumik Qasigiannguani Villads Villadsenip Efterskoliani pisortap politiit kalerriisimasinnaasariaqaraluartut isumaqarpoq.

- Uagulluunniit immaqa kalerrinneqarsimasinnaangaluarpugut - sulinitta nalaani - imaattoqarpoq atuartuutisi anisinnaveersaalaarsigit. Paasivarpummi ullukkulli qanoq pisoqarsimasoq - sianinngisavut, Rakel Sandgreen oqarpoq.

Kalaallit Nunaanni Politiit KNR-imut ilisimatitsipput pisup nalaani avammut kalerriisinnaasimanatik. Tamannalu politiit sillimaniarnerannut kiisalu suliaq naammassisassaat pillugu pisinnaasimanngitsoq.

Politiinilli erseqqissaatigineqarpoq tigusarinninnissaq sioqqullugu avammut nalunaaquteqarnissaq piareersarneqarsimasoq, taamaalilluni tigusarinnittoqarniariartoq politiit facebook-imi qupperneratigut Qasigiannguani immikkut suliaqartoqarsimanera ingerlaannartumik avammut nalunaarutigineqarsimasoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt