Foto: Laura/Flickr Creative Commons

Arnaq kalaaleq Christianiami videoliami oqallisaaqisumiittoq parnaarussassanngorlugu eqqartuunneqartoq

Innuttaasut politiillu Christianiami aporaannerisa oqallisaaqisup kingunerisaanik kalaaleq arnaq 51-inik ukiulik ukiuni marlunni parnaarussassanngorlugu eqqartuunneqarpoq.

Siorna maajip 31-ani ualikkut inuit 100 pallillugit amerlassusillit Christianiami politiinik saassussipput. Polittit arfinillit eqqorneqarput.

Kingusinnerusukkut aporaannermit videoliaq saqqummerpoq. Immiussami takuneqarsinnaavoq politiip arnaq kjolelik sakkoqanngitsorlu sakkortoqisumik sakiaatigut ajakkaa niverterujussuarlugu niaqua aqquserngup qalliutaanut ujaqqanut sakkortuumik tutsillugu. 

Politiip iliuusaa pillugu video siullermik assut mamiatsatsitsivoq. Kisianni tassa tallimanngormat arnaq utoqqasaaq eqqartuussaavoq.

Nutaarsiassaqartitsiviup TVflux-ip Københavns Byret-imi eqqartuussinermi najuunnermi kingornatigut taama oqaatigaa. Aamma politiit ilumoornerarpaat eqqartuussut naammassineqarmat.

Eqqartuussaasoq aatsaat eqqunngitsuliulinngimmat nutaarsiassaanngilaq. Pisup aqaguani politiit nalunaarutigaat arnaq tigusaasimasoq.

Tassunga atatillugu politiinspektør-inut pisortaq Allan Nyring oqarpoq, arnap ajatsinnini sioqqutilaarlugu politiit ujarassuarmik miloriarsimagai, politiimillu aporaateqatigiinnermi kingornatigut aamma ujaqqamik miloriaqqissimasoq.

- Ujararujorujussuaq miloriuppaa, aamma kingornatigut taamaalioqqippoq, politiinspektørip oqaatigaa.

Malittarisaanik 51-inik ukiulik eqqartuussisumut sassartinneqarami pisumut ataqatigiissumik nassuiaatissaqarsimanngilaq.

- Eqqaamanngilara. Vodkatorlungalu, Baileytorlungalu, Guld Tuborgitorama, aammalu hashimik pujortarlunga, inatsisit tunngaviusut naapertorlugit killisiorneqarami oqarpoq.

Aamma eqqartuussinerup nammineq nalaani ulloq taanna pisimasunik eqqaamasaqangaanngilaq, TVflux allappoq.

Ujaqqanik milloornerup saniatigut arnaq aamma pinerluutinut arfineq-pingasunut unnerluunneqarpoq. Unnerluussutit tamaasa eqqaartuunneqaatigai.

- Politiit takkukkaangata akulikitsumik unnerluussaq saqqummertarpoq, eqqartuussutip oqaatiginerani eqqartuussisut siulittaasuat Merete Engholm TVflux naapertorlugu oqarpoq.

- Tamatuma qanoq iliorusutsilersarpaa. Pissusilersornera akuerineqarsinnanngilaq, nangissutitut oqaatigineqarpoq.

Massakkut 51-inik ukiulik ullunik 14-inik periarfissaqarpoq eqqartuussut nangitsikkusunnerlugu aalajangernissaminut. ))

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt