Foto: Ludovic Péron/Flickr Creative Commons

Ronaldo pinngitsaaliisimasutut unnerluutigineqartoq

Nunarsuarmi isikkamik arsartartuni pikkorinnersat ilaat tusaamasarsuaq, Cristiano Ronaldo arnamik 25-nik ukiulimmik Las Vegasimi 2009-imi pinngitsaaliisimasutut unnerluutigineqarpoq, pinngitsaaliinerlu pillugu arnap nipangiussinissaanut akiliuteqarsimanerarneqarluni, Ronaldoli pinngitsuunerarpoq.

Nevadami eqqartuussiviup qaammatini tuliuttuni suliassanngortitsineq qanoq pineqassanersoq  aalajangiiffigissavaa.

Suliarlu pillugu politiit misissuileruttorput.

Ronaldop Las Vegasimi 2009-imi feeriartilluni imerniartarfimmi arnaq naapippaa, Paparazzillu assilisimasaanni takuneqarsinnaavoq Ronaldop arnaq imerniartarfimmi oqaloqatigigaa.

Pinngitsaalinerarneqartup ikinngunni ilagalugu nangikkiaqataasimapput, festernerullu nalaani Ronaldop arnaq qaninngoorpaa arnamilli itigartinneqarami arnaq sinittarfimmukaateriarlugu pinngisaalisimavaa.

LÆS OGSÅ Ronaldo er bedst betalte atlet i verden

Pisup kingorna arnaq politeeqarfimmukarpoq pinngitsaaliisimasulli aqqa taasimanngilaa nuannarinnittaanit siorasaarneqarnissi ernumagalugu.

Arnap Ronaldollu eqqartuussissuserisuisa isumaqatigiissut atsiorpaat, taamaalilluni arnap pineqartup oqaaseqannginnissaa anguniarlugu 2,5 milliuuninik akilerneqarluni, maannali suliaq misissuiffigineqalerpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt