Martin Møller ACR-imi ajugaasoq
Arctic Cirle Race ulluni pingasuni ingerlanneqarmat katillugu 160 kilomiiteri ingerlaarfigineqarpoq.
ACR-ertoqarmat Martin Møller ukiormanna aamma ajugaavoq, unamminermi akunnerit aqqanillit minutsillu 40-t atorsimallugit.
Frederik Petersen Martin Møllerimit akunnermik ataatsimik minutsinillu 27-nik arriinnerulluni tulliulluni apuuppoq.
Malik Møller pingajuattut apuuttoq. Canadameersorlu Dahria Beatty arnani ajugaasuuvoq, unammisullu akornanni normu 5-nngorluni apuuppoq.
- Unamminerup nalaani sila issittukasiusimavoq peqataasullu ilaat qerussulaarsimallutik, unamminerilli ataatsimut isigalugit pitsaasumik ingerlanneqarput, ACR-imi siulersuisuni siulittaasoq Jens Klaus Lennert oqarpoq.