Ilulissat Inuit marluk ajunaarput
Tallimanngornermi ullukkut nalunaaqutaq ataaseq qaangilara, Kalaallit Nunaanni politiit Ilulissat eqqaani angalasumit angallatit radioatigut nalunaarfigineqarput, nukappiaraq ikiortissarsiartoq tusaaneqarsimammat, angallatigisaat ikkarlummut iluliaminermulluunniit aporsimammat, motoorialu aallartissinnaangitsoq.
Imaatigut silaannakkulu ujaasineq aallartinneqarpoq, issittumi sakkututoqarfiup sinerissami nakkutilliissuttaa Ejner Mikkelsen ajutoorfiusumut aallartinneqarpoq, sorluttaaq sakkutuut imarsiortut helikopteriat Lynx ajutoorfiusumukartinneqartoq taamatullu qulimiguulik annaassiniartartoq Kangerlussuarmiittoq ajunaarfiusumukartinneqarluni.
Akunnerit pingasut qaangiumata tassalu tallimanut tanneq sisamanngortoq, nukapppiaraq umiatsiamiittoq nassaaarineqarpoq.
Angalaqatigisai tassalu angutit marluk arnarlu ataaseq imaanut nakkarsimapput.
Unnukkut arnaq angullu ipisimasut nassaarineqarput, pingajuallu suli nassaarineqanngilaq ajunaarsimanissaalu politiit naatsorsuutigaat ujaasinerlu unitsinneqartoq, Qeqqani politiit tusagassiuutinut taama nalunaaruteqarput.
Ajunaartut qanigisaat kalerinneqareersimapput.
