Innuttaasut inatsisitigut isumannaassusaat aarlerinartoq

Kommunip Kujalliup isumaginnittoqarfiani inatsisitigut illersugaaneq amigaataasimavoq.

Sulianik suliarinninneq inatsisinik ima tunngaveqanngitsigisimavoq, angajoqqaat inatsimmik nassarlutik meeqqamik angerlarsimaffiup avataanut inissinneqarsimasut maannakkoqqinnaaq angerlartinneqarnissaat piumasarisinnaallugu.

Isumaginninermut naalakkersuisoqarfiup allagaaataani KNR-ip pissarsiaani tamanna takuneqarsinaavoq.

Kommunip borgmesteria Jørgen Wæver Johansen isumaginninermilu ataatsimititaliap siulittaasua, Karla Bisgaard, kommunip ikioqquneranik aprilip 15-ani saaffiginnissuteqarput.

Aamma atuaruk Kommune kujalleq annertunerusumik ikiugassaavoq

"Ajornartorsiuteqarpugut ...", naalakkersuisumut Martha Lund Olsenimut allakkaminni ilaatigut allapput.

Naalakkersuisoqarfimmi sulisunik Kujallermi sulisut sulianik naammassineqaratik qaleriiaattunik suliaqarnerannik ikiuuttussanik aggertoqarnissaat qinnutigaat.

Naalakkersuisoqarfiup isumaginninnikkut nakkutilliisuisa inatsisit malillugit kalerreeqqaarlutik nakkutilliiartorlutik ulloq taanna tikittullu taama allapput.

Isumaginninnermut siunnersortinik naalakkersuisoqarfimmeersunik kommunimut ikiuiartortoqqarnissaanik , kommuni allakkamini qinnuiginnippoq.

Allagaatini KNR-ip takujumallugit pisarsiaanni, naalakkersuisoqarfiup ikiuinissaanut pilersaarusiorneq pillugu kommunilu allaqatigiinnerannik imalimmi, ersippoq, isumaginnittoqarfimmi atukkat saqqummiunneqareersunit ajornerujussuusimasut.

Isumaginninnermilu siunnersortit aallartitaasut takusaminnik ernumatsaqaat.Sulisut aggersitaasut meeqqanik inuusuttunillu suliat 168-it qulaajarsimavaat. Ilaatigut angerlarsimaffiup avataanut inissiinerit 13-it ernumalersitsisut misissorneqarput.

Sullissineq illersorneqarsinnaanngitsoq

Allagaatini aamma ersippoq, taakkua naalakkersuisoqarfimmut ilaatigut nalunaaruteqartut, innuttaasut kommunimit allaffisornikkut sullinneqarnerat illersorneqarsinnaanngitsutut, sulianik ingerlatsitsineq inatsisaatsuliornerusutut, suliallu inatsimmik tunngaveqanngitsutut isigigitsik, aammalu inatsisitigut illersorneqarsinnaanngitsoq.

Aamma atuaruk Nakkutilliisut: Sullissinermi kukkunerit arlalissuupput

Meeqqanik angerlarsimaffiup avataanut inissiisoqarsimatillugu angajoqqaat akuersinerannik inatsimmi piumasaqaataasutut uppernarsaatinik peqanngilaq, meeqqat angajoqqaalluunniit tusarniaaffigineqarsimanatik, taavalu aqutsisut aqutsinatik nakkutilliinatillu, naalakkersuisoqarfimmiit ikiuukkiartortut allapput.

Sakkortuumik oqqaluttoq

Uppernarsaatinik amingaateqarnermik angajoqqaat ilisimatinneqaraangata, tamatuma kingunerisarpaa, angajoqqaat meeqqamik angerlarsimaffiup avataanut inissinneqarsimasut imminnut angerlartinnissaat kissaatigisinnaagaat, taamaaliornissaallu pinngitsoortinneqarsinnaanngitsoq, naalakkersuisoqarfimmi pisortaq Julie Præst Wilche kommunip aningaasaqarnermut pisortaanut Kenneth Høeghimut inerniliilluni ilaatigut allappoq.

Aamma atuaruk Kommune Kujalleq sakkortuumik isornartorsiorneqartoq

Pissutsilli allaaserineqartutut ajortiginngitsut neriuutigalugu, aningaasaqarnermut pisortaq akissutimini allappoq.

Pisutsilli ima ajortigaat, naalakkersuisoqarfimmi pisortaq kommunip aqutsisuinut iliuusissat piffissalersornerannik suleqatigiinnissamullu isumaqatigiissutinik eqquutsitsinissaannik sakkortuumik oqaluttariaqarsimavoq.

Assersuutigalugu ilaatigut kommunip inunnik isumaginninermik ingerlatsiviata aaqqissuunneqaqqinnissaanut isumaqatigiissutip eqquutsinnissaanik sakkortuuliorpoq.

Kommunimi isumaginninnermut pisortat ukiuni kingullerni taarseraqattaarput, aamma isumaginninnermut siunnersortinik amigaateqarput kommunimilu qullersat akornanni eqqissiviilliortoqarluni.

Aamma atuaruk Allakkat ernumalersitsisut

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt