Naartuersittarnerpassuit Dorisip ikilisikkusuppai
- Nunatsinni naartuersittartut ullutsinni amerlavallaarput. Tamatta naartuersittartorpassuit iliuuseqarfiginissaat sulissutigisariaqarparput. Naalakkersuisunit pinaveersaartitsineq pingaarutilittut isigineqarpoq, Peqqissutsimut naalakkersuisoq Doris Jakobsen oqarpoq, nangillunilu:
- Peqqissutsimut Naalakkersuisoqarfiup ukiuni kingullerni Peqqissutsimut Pitsaaliuinermullu Aqutsisoqarfik aqqutigalugu "Inuusamik paarsaqartarnermik suliaqarneq" ingerlassimavaa atuarfiit suleqatigalugit, taamaalillutik inuusuttuaqqat meerartaajaartarnerup kinguneri pillugit paasisaqarnerulersinneqartarlutik, Doris Jakobsen oqarpoq, naartunaveersaarnissamut periarfissanik tassunga atatillugu paasissutissiisoqartartoq ilanngullugu aamma oqaatigalugu.
Aamma atuaruk VIDEO Ernisussiortup naartuersittarneq pinaveersaartinniarlugu angajoqqaat peqatiserai
Peqqissaasut ernisussiortullu Nunatsinni tamani kissaatiginagu naartulersinnaanerup pitsaaliorneqarnissaa pillugu paasissutissiisarputtaaq.
Doris Jakobsenip tusagassiuutinut nalunaaruteqarnermini ilaatigut aamma oqaatigaa atuarfinnik suleqateqalernissaq ulluni makkunani suliniutigineqartoq.
Aamma atuaruk Naartusut marluugaangata aappaa naartuersittarpoq