VIDEO Kristian Jensen: USA-mut suli kimigiisertariaqarpugut

Danskit nunanut allanut ministeriat nunatsinni ulluni makkunani, ulluni marlunni, tikeraarngaarpoq. Ataatsimiinnerpassuarnilu Pituffik initusimaqisoq aammalu suli sulissutissaqartoq aallalernermini oqaatigaa.

Ulluni marlunni naalakkersuisunik ataatsimeeqateqartareerluni aallariartorpoq. Ataatsimiinnernilu Pituffik initungaatsiarsimavoq.

- Pituffik initungaatsiarpoq, tamanna pissusissamisoorpoq, Pituffimmi Kalaallit Nunaata aningaasaqarniarneranut suliffissaqarneranullu pingaaruteqarluarpoq, nunanut allanut ministeri, Kristian Jensen (V) KNR-imut oqarpoq.

Danskit naalakkersuisuisa nunanut allanut ministeriat Kristian Jensen nunatsinni siullermeertumik tikeraarnermini Pituffik ataatsimiissutigingaatsiarpaa, isumaqatigiittoqarporlu:

- Danskit kalaallillu tungaanniit USA-mut suli kimigiisertariaqarpugut, suliariumannittussarsiuussisoqaqqinnissarmi aammalu qallunaat kalaallilluunniit suliffeqarfiutaasa isumaqatigiissusiornissaat qulakkeerneqartariaqarpoq, Kristian Jensen oqarpoq.

Pineqartumilu suli ersarinnerusumik suleqatigiittoqassasoq nunanut allanut ministerip qulakkeerumavaa.

- Paasissutissanik avitseqatigiinnerusariaqarpugut ammanerullutalu. Uagut tungitsinniit amerikami naalakkersuisunut oqartussanullu tamanna ersarissartuassavarput, Kristian Jensen oqarpoq.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl