Uran pillugu akerliussutsimik takutitsisut: Paasissutissat isertuunneqarput
Kalaallit Nunaata uranisiorniarnini unitsittariaqaralarpaa
Tamanna oqariartuutigineqarpoq inuit 60-it missaat tallimanngormat ualikkut Københavnimi akerliussutitsimik takutitsimmata qulequtsersimasaminnik ”Urani Naamik”.
Avatangiisinut illersuiniat NOAH, akerliussitsimik takutitsinermut aaqqissuisuuvoq. Taakku isumaqarput Namminersorlutik Oqartussat GME-lu piaaralutik uranisiornissamut paasissutissat aarlerinarsinnaasut isertuukkaat.
Københavnimi politiit biilertut unitsippaat akerliussutsimik takutitsisut Kuannersuarmi uranisiortoqarsinnaaneranut akerliusut saneqqussinnaaniassammata.
Kuannersuarmi uranisiornissaq Københavnimiit ungasikkaluartoq akerliusoqartariaqartoq Niels Henrik Hooge, avatangiisinut illersuiniat NOAH urani pillugu oqaaseqartartuat, isumaqarpoq. Ukiut aappassaa NOAH akerliussutsitsimik takutitsinermik aaqqissuusivoq.
- Danmarkimi Kalaallit Nunaannilu inuit, ingammik Kalaallit Nunaani inuit, akerliunitsinnik eqeersarusuppavut, Niels Henrik Hooge oqarpoq.
Aamma atuaruk "Uranilerinermi naqqaniit aallatissaagut"
Suliniaqatigiiffik NOAH naapertorlugu uranisiorfissap kingunipilorisinnaasai GME-p Namminersorlutillu Oqartussat paasisitsiniaaneranni eqqaaneqarneq ajorput. Taamatuttaaq GEUS-ip DCE-llu Aargus Universitetimiittup saqqummiussani eqqaaneqaratik, Niels Henrik Hooge isumaqarpoq.
- 2014-imi paasisitsiniaalluni angalanerni, aammalu qanittumi, Kuannersuarmi aatsitassarsiorniarneq ulorianaateqanngitsutut saqqummiunneqartarpoq, aalajangiutereerlugulu avatangiisinut pilersaarutip sunniutigisinnaasai aamma annikillisarneqarlutik. GEUS-ip DCE-llu saqqummiussaat nunat tamalaani ilisimasallit uagutsinnut saaffiginnissimasut saqqummiussaannut sanillersuukkaanni pilersaarusiap eqqartorneqarnera ilisarnarneq ajorpoq, Niels Henrik Hooge oqarpoq.
Aamma atuaruk Akilinermi uranisiornissamut akerliuneq alliartorpoq
NOAH-mit avatangiisillu pillugit suliniaqatigiiffinnit allanit, taakkununnga nunatsinni suliniaqatigiiffik Avataq ilaavoq, piumasaqaatigineqarpoq pineqartunut attuumassuteqanngitsumit paasissutissiissoqassasoq.
- Oqallinneq piviusorsiorluarnerusoq piumasaraarput, illuatungiliuttut aamma oqaaseqarfigisinnaasaat, Hooge oqarpoq.
Kujataanilu innuttaasut Kuannersuarmi uranisiortoqarnissaata akuersissutiginnginnerani tusarneqaqqaassapput.
- Aleqa Hammondip naalakkersuisunngornermini 2013-imi kujataani taasisitsisoqarnissaa neriorsuutiginikuuaa.
Naalakkersuisullu siulittaasuattut oqalugiaataani kingullermi, 2014-imi, aamma eqqaaneqarluni, taamaammat naatsorsuutigaarput naalakkersuisut nutaat neriorsuutigineqarnikoq ataqqillugu innuttaasunik taasisitsiumaartut, Niels Henrik Hooge oqarpoq.
Kræver folkeafstemning i Sydgrønland
Aaja: Godt modstanden er rykket til Danmark
