Foto: Salik Kielsen

Qarmasissialiorfik uummarsaqqikkusukkaa

Nuna nammineq pisuussutiminik sanarfigineqassaaq, pissutsinut naleqqussarnikkut periarfissarsiornikkullu, Siumut sinnerlugu qinigassanngortittoq Ineqi Kielsen taama oqarpoq.

Kujataani qarmasissialiorfiusimasup Siku-Blockip aallarteqqinniarnissaanut periarfissaasinnaasut tamaasa misissornissaat taassuma qineqqusaarutigaa.
 
- Qarmasissiat Nunatsinni tunisassiarineqartut pitsaassupilussuupput aammalu akilersinnaaneranik naliliinerit takutereerpaat qarmasissiat taakku unammillersinnaassuseqartut, Ineqi Kielsen tusagassiorfinnut nalunaaruteqarluni taama allappoq.

Aningaasaliiffigissallugu akilersinnaalluartoq
Qarmasissiat oquttoornissamut ungasinnerunerat aammalu aserfallatsaaliortariaqannginnerat, taamaattumillu aningaasaliiffigissallugit akilersinnaakutsoornerat aamma oqaatigaa.
 
- Nunatsinni inissianik nutarterinissamik suliassat annertuut naammassiniarneqartussaapput. Nutarterinermilu tassani qarmasissiat Nunatsinneersut atorneqartuuppata, Nunatsinni suliffissat qulakkiissavagut aammalu nioqqutissanik eqqussuineq annikillisillugu taamaaliornikkullu aningaasaliissutit Nunatsinni kaaviiaartiinnarlutigit.
 
Imaassinnaavoq Narsami suliffeqarfik Siku-Block ApS unammillersinnaassuseqartoq, taamaakkaluartorli suliffeqarfik sanaartornerup iluani ukiuni arfineq-pingasuni piusinnarluni 2005-imi matuneqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt