Sisamaagajuttunik taaneqartartut ataatsimiipput

Jerusalemimi Kangiani Qiterlermi sisamaagajuttunik taaneqartartut ullumi ataatsimiipput. Taakkua tassaapput USA, EU, Rusland Naalagaaffiillu Peqatigiit, taakkualu oqaluuserisassaqarluarput. Gazami Vestbreddenimilu sorsuttoqarfittut pissutsit kiisalu Kangiani Qiterlermi eqqisseqatigiissitsiniarnerup unittuuissimanera. Sammineqartussarli ataaseq malunnarnerpaavoq, tassalu Tony Blair præsident George Buship kissaatigisaatulli Kangiani Qiterlermi isumaqatigiissitsiniarnermi pisortaassava? Tamatumani Tony Blairip eqqaamaneqaatissaa pineqartoq Tony Blair naalakkersuinikkut siunnersuisuusimasoq maannalu Aberdeenimi naalagaaffimmut tunngasunut professori Mads Qvortrup naliliivoq.

Isumaqarpunga Blairip arlaannik sumilluunniit suliaqalernissani aqagu ullo’qeqqata kingornaninngaanniit atorfissaqartilissagaa, qularaaralu suliffissaaleqillutik tulleriiaarsimasut allat akornani inissikkumassasoq nunanilu tamalaanut tunngasunik arlaanik iliuuseqarumaartoq. Blairip nalunngilaa suliaq ajorsarfigisani, tassalu nammineq Irakimut immaqalu muslimimik upperisallit silarsuaannut qanoq pissuseqarnini, arlaanillu iluarsisaqarusulluni eqqaamaneqarusullunilu. Taamatullu atorfeqarnermigut tassalu atorfiup taassuma pissarsiarisinnaaneratigut pitsaanerusumik eqqaamaneqarnissani pilersissallugu – immaqalu Jimmy Carter-ip USA-mi præsidentitut tunuarnera issuangajallugu.

Puigussanngilarpulli suliassani taakkunani Blair arabiamiut silarsuaanni assorsuaq nuannarineqanngimmat aammalu nuannarineqarnera annertusinaviarani Tuluit naalakkersuisui Salman Rush ”De Sataniske Vers”-imik atuakkiortoq saqqarmiulissallugu aalajangermata, nunanilu amerlaqisuni islamimik upperisaqarfiusuni akerliussutsimik takutitsisoqarluni, taamaakkami Blair Vestbreddenimi, Gazami muslimilluunniit silarsuaanni allami nuannarineqarujussuanngilaq.

-Taamaalilluni eqqumiikujuppoq Blair pinngitsoorani pineqassappat?

-Kisianni imaanngilaq palæstinamiut arabiamiut islamimillu upperisallit toqqassagaat, allalliuna toqqartussaagaat, soorunalimi aamma naalakkersuinikkut aalajangernissaq tunngavigineqassaaq. Israelimiunimi Blair akuersaarneqarunarpoq israelimiuniillu inussiarniivissortutut isigineqarani angutaallunilu Kangiani Qiterlermi eqqissineqarnissaanik pilersitserusuttoq, aammalu inuit ilagaat Arabiami naalagaaffinni anginerusuni akuersaarneqarneqartoq, kisiannili muslimit silarsuaanni imatorsuaq akuersaarneqarani, tassalu Saudi-Arabiami illoqarfinni anginerusuni akuersaarneqarnerulluni.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt