Maniitsumi Nuummilu tuttunik tunitsivissaqassaaq

Aavarneq aggusti aallartilaarpat aallartissaaq. Piniartut tunitsivissaqarniassammata Arctic Green Food, KNAPK suleqatigalugu umiarsuarmik tuttulerivimmik umiarsualiinissamik pilersaaruteqaraluarput. Pilersaarulli taamaatiinnarneqartoq, Arctic Green Food-ip pisortaanera Tønnes Berthelsen oqarpoq.

Aningaasatigut kaavinnissaa takujuminaatsikkatsigu. Imaakkami nunatta iluani tuttut pisiarineqartartut ukiumut 6-700-ut missaaniikkamik, taava taakkua ilarpaalussui namminersortuniit pisiarineqarlutik pisiniarfinninngaanniit. Taava uagut umiarsuaq kaavitissinnaassagutsigu attartortariaqaratta umiarsuarmik siullermik. Taavalu aningaasartuutit annertungaatsiartussallutik, tassa tuttorparujussuit aqqusaartariaqaramik

akilersinnaassappat.

Kisianni tassa aavarfissaq aggustip allartilaarnerani aallartittussaavoq, aamma tunitsivissaaleqisartut ilisimavarput. Taavami qanoq iliussavisi? Arlaatigut pilersaaruteqarpisi immikkut iliuuseqarniarlusi?

Aap, tassa piniartut oqaloqatigisimavagut. Pilersaarutigaarput Nuummi tuttunik fabrikki tigoqqaasasoq, kisianni puallarsilaanngualaalaariarlugit, tassa aggustip 15-ta missaani ammarnissaa naatsorsuutigaarput, taava qaammat ataaseq ingerlassalluni.

Taava tamatuma kingorna Maniitsup fabrikkiani aamma qaammat ataaseq septemberip qeqqata missaaninngaanniit ammatinnissaa aamma pilersaarutigaarput.

Tønnes Berthelsen-ip aamma erseqqissarpaa umiarsualiiniarnerminni maskinmestereqartitsiniarneq ajornartorsiutaasimasoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt